গালাতীয় 2:14 - Chakma Bible

¹⁴ মাত্তর্ মুই যেক্কে দেগিলুং, গম হবরর্ সত্যর্ লগে তারার্ কামর কনঅ মিল্ নেই সেক্কে মুই বেক্কুনো মুজুঙোত্ পিতররে কলুং, তুই যিহূদী ওইনেয়ো যেক্কে যিহূদী ধোক্ক্যেন গুরি ন-চলিনে অযিহূদীগুনো ধোক্ক্যেন চলর্ সেক্কে কেধোক্ক্যেন গুরিনে অযিহূদীগুনোরে যিহূদীগুনো ধোক্ক্যেন চলিবাত্যে বাধ্য গরর্ ?

গালাতীয় 2:14 ပူးပေါင်းရင်းမြစ်များ

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 58:1

ও বিচেরক্কুন, তুমি যে অলর্ গুরি আঘ ইয়েন কি ন্যায়বিচের অর্? গমেডালে কি তুমি মানুচ্চুনোর বিচের গরর্?

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 2:7

গম্ মনর্ মানুচ্চুনোত্তে তে তরিত্ বুদ্ধি থুবেই রাগায়; যিগুনে গমেডালে চলন্ তে তারার ঢাল অয়,

লেবীয় 19:17

অন্য উগুরে মন ভিদিরে ঘিনাইদে মনোভাব রাগানা ন-চলিবো। অন্য মান্‌জ্যর্‌ দুষ্‌চান্‌ হামাক্কায়্‌ দেগেই দিয়া পড়িবো যেনে তার্‌ কারনে তুমি নিজে দুষি ন-অ।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:5

ফরীশী দলর্ কয়েক্কো মানুচ্‌ বিশ্বেজি ওইয়োন। সেই বিশ্বেজিগুনে উদি থিয়েইনে কলাক্, “অযিহূদীগুনোরে চুনুগুলোগুনোর মাঢাগুন কাবি দেনা দরকার্ আর তারা যেন মোশির রীতি-সুদোমানি পালন গরন্ সেনত্তে তারারে উগুম্ দেনা দরকার্।”

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

গালাতীয় 1:18

ইয়েনর্ তিন বজর্ বাদে মুই পত্তম বার পিতর সমারে দেগা গুরিবাত্যে যিরূশালেমত্ যেইয়োং। আর সিধু তা সমারে পনর্ দিন এলুং।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 2:3

মাত্তর্ অযিহূদী অলেয়ো মঅ সমাজ্যে তীতরে চুনু মাঢা কাবিবাত্যেই বাধ্য গরা ন-অয়।

গালাতীয় 2:5

মাত্তর্ গম হবরানর্ সত্যগান যেন তমাত্যে রোক্ষ্যে গুরি পারং সেনত্যে এক মুহূত্তত্যেয়ো আমি তারার্ কধানি মানি ন-লোই।

গালাতীয় 2:7

যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

গালাতীয় 6:12

যিগুনে বারেদি নিজোরে গম্ দেগেবাত্যে চান্ সিগুনে চুনু মাঢা কাবিবাত্যে তমারে বাধ্য গত্তে চেষ্টা গত্তন্। খ্রীষ্টর্ ক্রুশোত্যে যেন তারা উগুরে অত্যেচার ন-এজে সেনত্যে তারা এধোক্ক্যেন্ গত্তন্।

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

১ তীমথিয় 5:20

যে আজল্ নেতাগুনে পাপ গরানাত্ থান্ মন্ডলীর বেক্‌ মানুচ্চুনো মুজুঙোত্ তারার্ দুষ্‌‍‍‍চান দেগেই দুয়ো যাতে অন্য নেতাগুনেয়ো দরান্।

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।