গালাতীয় 1:16 - Chakma Bible

¹⁶ মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 1:16 ပူးပေါင်းရင်းမြစ်များ

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 26:41

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 5:42

তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 2:1

চৌদ্দ বজর্ পরে মুই বার্ণবা লগে আরঅ যিরূশালেমত্ গেলুং, আর তীতরেয়ো সমারে লোলুং।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,