ইষ্রা 9:12 - Chakma Bible

¹² সেনত্যেই তমা ঝিগুনোরে তারার্ পুয়োগুনো সমারে বৌ ন দুয়ো বা তমা পুয়োগুনোত্যে তারার্ ঝিগুনোরে ন নেযেয়ো আর কনদিন্অ তারার্ মংগল বা ভালেদির্ চেট্ট্যা ন-গোজ্য। ইয়েন্দোই তুমি বোলী অবা আর ভূইয়োর্ গম গম জিনিস হেই পারিবা আর উমরর্ অধিকার ইজেবে দেজ্‌‌চান্ তমার্ পুয়ো-ঝিগুনোত্যে থোই যেই পারিবে।

ইষ্রা 9:12 ပူးပေါင်းရင်းမြစ်များ

১ বংশধর 28:8

সেনত্তে বেক্‌ ইস্রায়েলীয়গুনোরে, অত্তাৎ লগেপ্রভু সমাজ মানুচ্চুনোরে আর আমা গোজেন মুজুঙোত্‌ মুই তমারে এ উগুমান্‌ দুয়োঙর্‌, তুমি তমার্‌ গোজেন্‌ লগেপ্রভুর বেক্‌ উগুমানি পালেবাত্তে মনান্‌ দুয়ো যেনে তুমি এ দোল্‌ দেজ্‌ছানত্‌ থেই পারঅ আর উমরত্তে সোম্বোত্তি ইজেবে তমা বংশধরুনো আদত্‌ সিয়েনি দি যেই পারে।

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

ইষ্রা 9:2

তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”

যাত্রা 23:32

তারা সমারে বা তারা দেবেদাগুনো সমারে কনঅ‌ চুক্তি ন-গুরিবা।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

দ্বি’লম্বর বিররণ 23:6

তুমি যেদকদিন বাঁজিবা সেদকদিন ইগুনোরে কনঅ উপকার বা ভালেদির্ চেট্টা ন-গুরিবা।

দ্বি’লম্বর বিররণ 23:7

মাত্তর্‌ ইদোমীয়গুনোরে তুমি ন-ঘিনেবা, কিত্যে তারা তমার ভেই। মিসরীয়গুনোরেয়ো ন-ঘিনেবা, কিত্যে তারার্‌ দেজত্‌ তুমি বিদেশী ইজেবে বজত্তি গোজ্য।

দ্বি’লম্বর বিররণ 7:3

তুমি তারা সমারে কনঅ মেথ্‌বানর সম্পর্ক ন-গুরিবা। তমার মিলেগুনোরেয়ো তুমি তারার্‌ পূঅগুনোর্‌ আদত্‌ ন-দিবা আর তারার্‌ মিলেগুনোরেয়ো তুমি তমা পূঅগুনোত্তে ন-আনিবা,