ইষ্রা 8:33 - Chakma Bible

³³ সে পরেদি চের্ দিনোত্ আমি আমার্ গোজেন ঘর ভিদিরে সেই সনা, রূবো আর পিলেগুন মাবিনে ধর্মগুরু ঊরিয়র পুয়ো মরেমোতর্ আঢত্ দিলোং। মরেমোত সমারে এলদে পীনহসর বংশধর ইলীয়াসর আর তারা সমারে এলদে যেশূয়র পুয়ো যোষাবদ আর বিন্নুয়ির পুয়ো নোয়দিয়। ইগুনে দ্বিজনে লেবীয় এলাক্।

ইষ্রা 8:33 ပူးပေါင်းရင်းမြစ်များ

ইষ্রা 10:23

লেবীয়গুনো ভিদিরে যোষাবদ, শিমিয়ি, কলায়, অত্তাৎ কলীট, পথাহিয়, যিহূদা আর ইলিয়েষর।

ইষ্রা 2:40

লেবীয়গুন অলাক্ ইগুন্: যেশূয় আর কদ্‌মীয়েলর বংশর হোদবিয়র বংশর মানুচ্চুন চুয়োত্তরজন।

ইষ্রা 8:25

মুই তারা ইধু সেই সনা, রূবো আর পিলেগুন মাবিনে নিগিলেই দিলুং যিগুন রাজা আর তা সল্লাদিয়্যেগুনে, কামগুরিয়্যেগুনে আর সিয়েনত্ আঝিল্ ওইয়্যে বেক্ ইস্রায়েলীয়গুনে আমা গোজেন ঘরত্তে দান গোজ্যন্।

ইষ্রা 8:26

মুই তারা ইধু ঊনেশ আজার্ পাচশ কেজি রূবো, তিন আজার্ কেজি রূবোর্ পিলে আর তিন আজার্ কেজি সনা দিলুং।

ইষ্রা 8:29

তুমি যেদক্ বিলোন্ যিরূশালেমত্ লগেপ্রভুর ঘরর্ ভান্ডাল-ঘরত্ আজল্ ধর্মগুরুগুনোর্, লেবীয়গুনোর আর ইস্রায়েলর বংশ-নেতাগুনো মুজুঙোত্ মাবি ন দুয়ো সেদক্ বিলোন্ সং সিয়েনি উজিয়ারে রোক্ষ্যে গুরিবা।”

ইষ্রা 8:30

ইয়েনর্ পরেদি ধর্মগুরুগুনে আর লেবীয়গুনে যিরূশালেমত্ আমা গোজেনর্ ঘরত্ নিবাত্তে মাপ্যে সনা, রূবো আর পিলেগুন গুজি ললাক্।

ইষ্রা 8:34

বেক্ জিনিস্‌চানি গুণিনে আর মাবিনে দিয়্যে অলঅ আর সে অক্তত্ সিয়েনির্ নাঙানি আর মাব ইজেব্‌পান লিগি রাগা অলঅ।

নহিমিয় 10:9

লেবীয়গুনোর্‌ ভিদিরেত্তুন্‌ যিগুনে সীলমহ্‌র্‌ দুয়োন্‌ তারা অলাক্‌ অসনিয়োর্‌ পূঅ যেশূয়, হেনাদদর্‌ বংশধর বিন্নুয়ী আর কদ্‌মীয়েল আর তারার্‌ সমাজ্যে শবনিয়, হোদিয়, কলীট, পলায়, হানন,

নহিমিয় 3:21

সে পরেন্দি ভাগকান্‌ ঊরিয়োর পূঅ মরেমোৎ ইলিয়াশীবোর ঘরর্‌ দোরানত্তুন্‌ আরাম্ভ গুরিনে ঘরানর্‌ থুম্‌ সং ঠিগ্‌ গুরিলো। ঊরিয় অলদে হক্কোসর পূঅ।

নহিমিয় 3:24

তা কায়-কুরে হেনাদদর পূঅ বিন্নুয়ী অসরিয়োর ঘরানত্তুন্‌ আরাম্ভ গুরিনে দুযি সং আর কোণাবো সং আর এক্‌ ভাগ্‌ ঠিগ্‌ গুরিলো।

নহিমিয় 3:4

সে পরেন্দি ভাগ্‌কান ঠিগ্‌ গুরিলাক্‌ ঊরিয়ের পূঅ মরেমোৎ। ঊরিয় অলদে হক্কোসর পূঅ। সে পরেন্দি ভাগ্‌কান বেরিখিয়োর পূঅ মশুল্লমে ঠিগ্‌ গুরিলো। বেরিখিয় অলদে মশেষবেলর পূঅ। সে পরেন্দি ভাগ্‌কান বানার পূঅ সাদোকে ঠিগ্‌ গুরিলো।

নহিমিয় 8:7

যেশূয়, বানি, শেরেবিয়, যামীন, অক্কুব, শব্বথয়, হোদিয়, মাসেয়, কলীট, অসরীয়, যোষাবদ, হানন আর পলায়-এ লেবীয়গুনে সিয়েনত্‌ থিয়্যেই থেইয়্যে মানুচ্চুনোরে রীদি-সুদোমর্ পৌইদ্যেনে বুঝেই দিলাক্‌।