ইষ্রা 8:21 - Chakma Bible

²¹ পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

ইষ্রা 8:21 ပူးပေါင်းရင်းမြစ်များ

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

২ বংশধর 20:4

যিহূদার মানুচ্চুনে লগেপ্রভুর বল্‌ চেবাত্তে এইনে এগত্তর্‌ অলাক্‌; এন্‌ কি, যিহূদার পূরো আদামত্তুন্‌অ মানুচ্চুনে এচ্ছোন্‌।

ইষ্রা 8:15

অহবার ইন্দি বেই যেইয়্যে ছড়া ইন্দি মুই এ মানুচ্চুনোরে এগত্তর্ গুরিলুং আর সেই জাগানত্ আমি তাম্বুল ফেলেইনে তিন দিন রলং। মানুচ্চুনোরে আর ধর্মগুরুগুনো ভিদিরে তোগেইনে মুই কনঅ লেবীয়রে ন দেগিলুং।

ইষ্রা 8:31

পত্তম্ মাজর্ বার দিনোত্ আমি যিরূশালেমত্ যেবাত্তে অহবা ছড়াত্তুন্ যাত্রা গুরিলোং। আমা গোজেনর্ আঢ্ আমা উগুরে এলঅ আর পধত্ শত্রু আর ডাগেদ আঢত্তুন্ আমারে রোক্ষ্যে গুরিলো।

নহিমিয় 9:1

সে একই মাজর্‌ চোব্বিশ দিনোত্‌ ইস্রায়েলীয়গুনে এগত্তর্‌ ওইনে উবোস্‌ থেলাক্‌, বস্তা পাদা উরিলাক্‌ আর মাদাগুনোত্‌ ধূল্যে দিলাক্‌।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

গীতসংহিতা 137:1

বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

গীতসংহিতা 5:8

ও লগেপ্রভু, মর্ ভালোক্কুন্ শত্রু আগন বিলিনে তর্ ন্যায়র্ পধেদি তুই মরে পরিচালনা গর্; তঅ পথ্‌তান্ মঅ মুজুঙোত্ উজু গুরি দে।

গীতসংহিতা 5:9

মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিশাইয় 58:5

মুই কি এবাবোত্যে উবোস্ থানাগান্ চেইয়োং? তমার্ উবোস্ থানাগান দঅ বানা নিজোরে দুঘ্ দেনা; সিয়েন বানা নল-খাগাড়া ধোক্ক্যেন মাঢাবো লোঙেয়্যে আর বস্তা ফাদা আহ্ ছেইয়ো উগুরে পড়ি থানা। ইয়েনরে কি তুমি উবোস্ থানা আর লগেপ্রভুর দোয়্যে দেগেবার দিন কঅ?

যিরমিয় 10:23

ও লগেপ্রভু, মুই হবর্ পাং মান্‌জ্যর জিংকানির-পথ্‌‍তান তার নিজোর্ নয়; তার টেঙ পোইদ্যেগুন উগুম দেনায়ো তার কাম নয়। ‍‍

যিরমিয় 42:3

তঅ গোজেন লগেপ্রভু ইধু তবনা গর্ যেনে তে আমারে কোইদে আমি কুদু যেবং আর কি গুরিবোং।”

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 16:31

এ দিন্নো অবঅ তমার কামত্তুন্‌ জিরেবার্‌ দিন। এ দিনোত্‌ তুমি বেক্কুনে নিজোর্‌ মনানিরে ভাঙিনে দুঘ্ স্বীগের্‌ গুরিবা। ইয়েন্‌ অবঅ এক্কান্‌ থিদেবর্ গোজ্যে ‍সুদোম।

লেবীয় 23:29

সেদিন্যে যে দুখস্বীগের্‌ ন-গুরিবো তারে তার্‌ জাদ ভিদিরেত্তুন্‌ তুলি ফেলা অবঅ।

যোনা 3:5

সেক্কে নীনবীর মানুচ্চুনে গোজেন কধানি বিশ্বেজ্ গুরিলাক্। সেনত্তে তারা উবোস্ থানা কধাগান কলাক্ আর দাঙরত্তুন্ ধুরি চিগোন সং বেক্কুনে বস্তা পাদা পিনিলাক্।

যোনা 3:7

সে পরেদি তে নীনবীত্ তার আর তা রাজচাগরুনোরে এ উগুমান ফগদাং গুরিলো: “মানুচ্ বা য়েমান, গোরু বা ভেড়ার পাল কনজনে কন কিজু ন-খাদোক্; তারা হানা বা পানি ন-খাদোক্।

গণাণা 14:3

যুদ্ধোত্‌ মুরি যেবাত্তে কিত্তে লগেপ্রভু আমারে সেই দেজত্‌ নেযার্‌? তারা আমার মোক্‌ আর ঝি-পূঅগুনোরে কারি নিবাক্‌। ইয়োত্তুন্‌ মিসরত্‌ ফিরি যানা আমার উজিত এলঅ।”

গণাণা 14:31

তমার্‌ যে ঝি-পূঅগুনোরে কাড়ি নেযা অবঅ বিলি তুমি কোইয়ো সেই ঝি-পূঅগুনোরে মুই সে দেজত্‌ নেযেম। এই ঝি-পূঅগুনেই সেই দেজ্‌চান্‌ ভোগ্‌ গুরিবাক্‌ যিয়েন্‌ তুমি টেংগোই লাদি মাজ্য।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

বিচের গুরিয়্যেগুন 20:26

সেক্কে ইস্রায়েলীয়গুনোর বেক্‌ মানুচ্চুনে বৈথেলত যেইনে লগেপ্রভুর ইদু বুঝিনে কানাকুদি গরা ধুরিলাক্‌। তারা সেদিন্যে সাজোন্যে সং উবোস্‌ থেলাক্‌ আর লগেপ্রভুর নাঙে পুজ্যে আর উদোলোলির্-উৎসর্বর পরব্‌ গুরিলাক্‌।

১ শমূয়েল 7:6

সেক্কে তারা বেক্কুনে মিস্পাদত্‌ এগত্তর্‌ অলাক। তারা পানি তুলিনে লগেপ্রভুর মুজুঙোত্‌ ঢালি দিইনে সেদিন্যে সিয়েনত্‌ উবোস থেলাক্ আর কলাক্কে, “আমি লগেপ্রভুর বিরুদ্ধে পাপ গোজ্যেই।” শমূয়েলে মিস্পাতত্তুন্‌ ইস্রায়েলীয়গুনোরে শাজন্ গুরিদো।