ইষ্রা 8:16 - Chakma Bible

¹⁶ সেক্কে মুই ইলীয়েষর, অরীয়েল, শময়িয়, ইল্‌নাথন, যারিব, ইল্‌নাথন, নাথন, সখরিয় আর মশুল্লম নাঙে নেতাগুনোরে আর যোয়ারীব আহ্ ইল্‌নাথন নাঙে দ্বিজন মাষ্টররে ডাগিনে পাদেলুং।

ইষ্রা 8:16 ပူးပေါင်းရင်းမြစ်များ

১ রাজাবলী 3:11

গোজেনে তারে কলঅ, “তুই বোউত্‌ আয়ু বা নিজোত্তে ধন-সোম্বোত্তি বা তর্‌ শত্রুগুনোর মরণ ন-চেইনে যেক্কে দোল্‌বিচের্‌ গুরিবাত্তে বুঝিবার খেমতা চেইয়োচ্‌,

১ বংশধর 12:32

ইষাখর-গুট্টির দ্বিশত্‌ জন নেতা। তারা অলাক্‌ বুদ্ধিবলা আর বুঝি পারিদাক্‌ ইস্রায়েলীয়গুনোর্‌ কক্ক্যে কি গরা পুরিবো। তারা সমারে এলাক্‌ তারা তলেদি নিজো গুট্টির্‌ মানুচ্চুনে।

১ বংশধর 26:14

পূগেন্দি গেট্টোত্ চাম্বা উদিলো শেলিমিয়র নাঙে। সে পরেন্দি তাহ্ পুয়ো সখরিয়র নাঙে চাম্বা চাহ্ অলে তা নাঙে উত্তোরেন্দি গেট্টোত্ চাম্বাত্ উদিলো। তে এলদে এক্কো জ্ঞানী বুদ্ধিদিয়্যে।

২ বংশধর 2:12

হীরমে আরঅ লিগিলো, ইস্রায়েলর গোজেন লগেপ্রভু ধন্য, যিবে আগাজ্‌ আর পিত্‌থিমীগানরে বানেয়্যে। তে রাজা দায়ূদোরে এন্‌ এক্কো জ্ঞানী পুয়ো দিয়্যে যিবের্‌ বুদ্ধি আর বুঝিবার খেমতা আঘে আর যিবে লগেপ্রভুত্তে এক্কান্‌ ঘর্‌ আর নিজোত্তে এক্কান রাজঘর বানেব।

ইষ্রা 10:21

হারীমর বংশধরুনো ভিদিরে মাসেয়, এলিয়, শময়িয়, যিহীয়েল আর উষিয়।

ইষ্রা 8:13

অদোনীকামর বংশ ভিদিরে যিগুনে বেগ যেরেদি ফিরি এচ্চ্যন্ তারার্ নাঙানি অলঅ ইলীফেলট, যিয়ূয়েল আর শময়িয় আহ্ তারা সমারে ষায়েটজন;

ইষ্রা 8:15

অহবার ইন্দি বেই যেইয়্যে ছড়া ইন্দি মুই এ মানুচ্চুনোরে এগত্তর্ গুরিলুং আর সেই জাগানত্ আমি তাম্বুল ফেলেইনে তিন দিন রলং। মানুচ্চুনোরে আর ধর্মগুরুগুনো ভিদিরে তোগেইনে মুই কনঅ লেবীয়রে ন দেগিলুং।

ইষ্রা 8:17

এ মানুচ্চুনোরে মুই কাসিফিয়াত্ বজত্তি গুরিয়্যে নেতা ইদ্দো আর তা বংশর উবোসনা-ঘর ইধু এ কধাগান কবাত্তে পাদেই দিলুং, “তুমি আমার গোজেন ঘরর্ সেবা-কামত্তে আমা ইধু মানুচ্ লোই আন্।”

ইষ্রা 8:18

আমা গোজেনর্ ভালেদির্ আঢ্ আমা উগুরে এলঅ বিলিনে তারা ইস্রায়েলর পুয়ো লেবি-গুট্টির মহলি বংশ ভিদিরেত্তুন্ শেরেবিয় নাঙে এক্কো কাবিদ্যেং মান্‌জ্যরে আর তা পুয়োগুনোরে আহ্ ভেইয়ুনোরে ব্ক্কেুনোরে মিলিনে আদারজনরে আমা ইধু আনিলাক্।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

গম্ উপদেজ্ 20:5

মান্‌জ্যর মন আজাগান মাদিত্ তলে থেইয়্যে পানি ধোক্ক্যেন্, মাত্তর্ বুদ্ধিবলা মান্‌জ্যে সিয়েন তুলি আনে।

গম্ উপদেজ্ 28:2

দেজ মানুচ্চুনোর ভান্ন্যেয়র্ কারনে বোউত্ শাজন্‌গুরিয়্যে অন্, মাত্তর্ জ্ঞানী আর বুদ্ধিবলা শাজন্ গুরিয়্যে সুদোমান ঠিগ্ রাগায়।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

২ তীমথিয় 2:7

মুই যিয়েন কঙর্ সিয়েন তুই চিন্তে গুরি চেইচ্, কিয়া প্রভুই তরে বেক্কানি পৌইদ্যেনে বুঝিবার খেমতা দান গুরিবো।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।