ইষ্রা 7:27 - Chakma Bible

²⁷ আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

ইষ্রা 7:27 ပူးပေါင်းရင်းမြစ်များ

২ বংশধর 31:8

হিষ্কিয় আর তার্‌ কাম্‌গুরিয়্যেগুনে এইনে সে কুড়ুন্‌ দেগিনে লগেপ্রভুর বাঈনী গুরিলাক্‌ আর তার্‌ মানুচ্‌ ইস্রায়েলীয়গুনোরে বাঈনী গুরিলো।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

নহিমিয় 2:8

ইয়েনিবাদেয়ো তে যেনে তার্‌ ঝাড়-চুগিদিয়্যে আসফর ইদু এক্কান্‌ চিদি দে যেনে তে উবোসনা-ঘরর্‌ কায়-কুরে তাম্বুলানির গেদোর্‌ গাজ্‌ছানিত্তে আর শঅরর্‌ দেবাল আর মর্‌ থেবার্‌ ঘরত্তে মরে গাজ্‌ দে।”মঅ গোজেনর ভালেদির্ আঢ্‌তানি আমা উগুরে এলঅ বিলিনে রাজা মর্‌ বেক্‌ কোজোলিগানি রোক্ষ্যে গুরিলো।

নহিমিয় 7:5

যেরেন্দি গোজেনে মর্‌ মনানত্‌ আওজ্ দিলো যেনে মুই মুরুব্বীগুনোরে, নেতাগুনোরে আর নাদা মানুচ্চুনোরে এগত্তর্‌ গুরিনে তারার্‌ বংশ-নাঙানি লিগি পারং। যিগুনে পত্তমে ফিরি এচ্ছ্যন্‌ সে মানুচ্চুনোর্‌ বংশ-নাঙানি পেলুঙ্‌। সিয়েনত্‌ যিয়েনি লেগা এলঅ সিয়েনি অলদে:

যাত্রা 8:9

মোশি ফরৌণরে কলঅ, “বেঙুন্‌ যেনে তরে আর তঅ ঘরান ছাড়ি যেইনে বানা গাঙত্‌ থান্দোই, সেনত্যে কঅ কক্কে মুই তত্তে, তঅ কাম্‌গুরিয়্যেগুনোত্তে আর মানুচ্চুনোত্যে কোজোলী গুরিম্‌। সময়ান তুই ঠিগ্‌ গুরিচ্‌।”

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিশাইয় 60:13

লেবাননর্ বাঈনী গরানাগান তইদু এবঅ; মর্ সুদ্ধো-সাংগ জাগায়ান সাজেবাত্তে এবাক্ বেরস, ঝাউ আর তাশূর গাজ্‌চুন;‌‌‌‌‌‌ মর্ টেঙ্ রাগেবার জাগায়ানরে মুই বাঈনী গুরিম।

লূকে লেখ্যে গম্ হবর্ 7:5

কিয়া তে আমা মানুচ্চুনোরে কোচ্‌পায় আর আমা সমাজ-ঘরানি তেয়ই বানেই দিয়্যে।”

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ফিলিপীয় 4:10

প্রভু মরে ভারী হুজি গোজ্জ্যে, কিয়া ভালোক্ দিন বাদে তুমি আরঅ মত্যে চিন্তে গরর্। খালিক্ মত্যে নিত্য তমার্ চিন্তে এলঅ, মাত্তর্ সিয়েন তুমি দেগেবার্ জু ন-পঅ।

ইব্রীয় 10:16

প্রভু কইদ্যে, “যেরেদি মুই তারাত্যে যে বেবস্থাগান থিদেবর্ গুরিম সিয়েন অলঅ, মর্ রীদি-সুদোমানি মুই তারা রিবেঙত্ রাগেম আর তারা মন ভিদিরে সিয়েনি লিগি রাগেম।”

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

ফগদাং পেইয়্যে 17:17

ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।