ইষ্রা 7:25 - Chakma Bible

²⁵ ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

ইষ্রা 7:25 ပူးပေါင်းရင်းမြစ်များ

পত্থম 41:38

ফরৌণ তা চাগরুনোরে কলঅ, “এ মানুচ্চুনো ভিদিরে এমন্ কিজু আঘে যিয়েন্‌ এ পিত্‌থিমীত্‌ নেই। ইবে ধোক্ক্যেন আর কারে আমি তোগেই পেবং?”

পত্থম 41:39

ইয়েন পরেদি ফরৌণে যোষেফরে কলঅ, “তঅ গোজেনে যেক্কে তঅ মুজুঙোত্ ইয়েনি ফগদাং গোজ্যে সেক্কে তঅ ধোক্ক্যেন জ্ঞানী আর বুদ্ধিবলা আর কন্না আঘে?

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

২ রাজাবলী 17:27

সেক্কে আসিরিয়ার রাজা তা মানুচ্চুনোরে এ উগুমান্‌ দিলো, “যিদুক্কুন্‌ ধর্মগুরুরে তুমি শমরিয়াত্তুন্‌ বন্দী গুরি আন্য তারাত্তুন্‌ একজনরে তুমি সিদু পাধেই দুয়ো যেনে তে সিদু যেইনে বজত্তি গরে আর সে দেজ্‌ছান গোজেনরে কেধোক্ক্যেনগুরি হুজি গরা পড়ে সিয়েন্‌ তারারে শিগেই দে।”

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

১ বংশধর 23:4

ইগুনো ভিদিরে চব্বিশ আজার্ জন লগেপ্রভু ঘর কামানি দেগাশুনো গুরিবাত্তে নেযা অলঅ আর ছয় আজার্ জন অফিসার অলাক্ আর বিচেরক্‌ আহ্‌ চের্‌ আজার্ জন চুগিদার অলাক্। দায়ূদে যিদুক্কুন্‌ বাজনা বানেয়্যে সিয়েনি বেবহার গুরিনে লগেপ্রভুরে নাঙ্ গিনিবাত্তে বাদবাগি চের্‌ আজার্ লেবীয় নেযা অলঅ।

ইষ্রা 10:4

তুই উঠ; এ বেপারে কাম গরানা দঅ তর্ দায়িত্ব। আমি তরে সাহায্য গুরিবোং, সেনত্যে তুই সাহসী ওইনে কাম গর্।”

ইষ্রা 6:6

সেক্কে রাজা দারিয়াবসে এই জোব্‌‍‌‍‍পান দিলো: “ইউফ্রেটিস গাঙর্ পোজিম্ পারর্ চাগালানির্ শাজন্‌‍‍‍‌‍‍‍গুরিয়্যে তত্তনয় আর শথরবোষণয় আহ্ সিদুগোর্ অজল্ পোজিশনর্ কামগুরিয়্যেগুন, তুমি ইক্কুনি সেই জাগানত্তুন্ দূরোত্ থেবা।

ইষ্রা 7:10

ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

ইষ্রা 7:14

তঅ আঢত্ তমা গোজেনর্ যে রীদি-সুদোমানি আঘে সেই মজিম্ যিহূদা আর যিরূশালেমর অবস্থাগান্ কেজান্ সিয়েনর্ হবর্ নিবাত্তে রাজা আর তার সাতজন সল্লাদিয়্যে তরে সিধু পাধাদন্।

নহিমিয় 9:3

সে পরেন্দি তারা থিয়্যেই থেইনে দিনোর্‌ চের্‌ ভাগর্‌ এক ভাগ্‌ সময় তারার্‌ গোজেন্‌ লগেপ্রভুর রীদি-সুদোম বোইবোত্তুন্‌ পড়া ধুরিলাক্‌ আর চের্‌ ভাগর্‌ এক ভাগ্‌ সময়োত্‌ পাপ স্বীগের্‌ গরন্‌ আর তারার্‌ গোজেন লগেপ্রভুর উবোসনা গুরিনে কাদেলাক্‌।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মার্ক 6:34

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।