ইষ্রা 7:24 - Chakma Bible

²⁴ আমি তমারে আরঅ কোত্তে, গোজেনর্ সেই ঘরর কনঅ ধর্মগুরু, লেবীয়, গানগেইয়্যে, চুগিদার্, সেবাগুরিয়্যে বা অন্য কনঅ কামগুরিয়্যে উগুরে কনঅ খাজানা, কর্‌ বা শুল্ক বোজেবার্ খেমতা তমার্ নেই।

ইষ্রা 7:24 ပူးပေါင်းရင်းမြစ်များ

পত্থম 47:22

তে বানা ধর্মগুরুগুনোর জাগা-ভূইয়ানি ন-কিনিলো। এ ধর্মগুরুগুনে ফরৌণত্তুন্‌ ভাতা পেদাক্‌ আর সিগুন্দোই তারা চুলিদাক্। সেনত্তে তারা ভূইয়ানি ন-বেজন্‌।

পত্থম 47:26

পরেদি যোষেফে মিসর দেজ জাগা-জোমি পৌইদ্যেনে এ সুদোমান্‌ জারি গুরিলো, বেক্‌ ফসলর পাঁজ্‌ ভাগর্‌ এক ভাগ্‌ ফরৌণর অবঅ। এ সুদোমান্‌ এজঅ মিসর দেজত্‌ চলের্‌। বানা ধর্মগুরুগুনো ভুইয়ানি ফরৌণর্‌ সোম্বোত্তি ভিদিরে ন-পড়ে।

ইষ্রা 4:13

মহারাজর্ আরঅ জানা দরকার যে, যুদি সেই শঅরান্ আর দেবালান্ আরঅ বানা অয় সালে সেই মানচ্চুনে খাজনা, কর্‌ বা শুল্ক ন দিবাক্। সেক্কে রাজার আয়র ক্ষতি অবঅ।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

নহিমিয় 5:4

আরঅ অন্যগুনে কলাক্‌, “রাজারে খাজানা দিবাত্তে ভূইয়ানি আর আংগুর ক্ষেত্‌তানি বন্ধক রাগেইনে আমাত্তুন্‌ টেঙা নেযা পোজ্যে।

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।