ইষ্রা 7:15 - Chakma Bible

¹⁵ ইস্রায়েলর গোজেন, যিবে যিরূশালেমত্ বজত্তি গরে তারে রাজা আর তার সল্লাদিয়্যেগুনে যেদক্কানি সনা-রূবো নিজোর্ আওজে দেদন্ সিয়েনি তুই নেযেবে।

ইষ্রা 7:15 ပူးပေါင်းရင်းမြစ်များ

১ বংশধর 29:6

সেক্কে বংশর্ নেতাগুনে, ইস্রায়েলীয়গুনোর নানান্‌ গুট্টির্‌ নেতাগুনে, আজার সৈন্য আর শত উগুরে সৈন্যর্‌ সেনাপতিগুনে আর রাজার কামানির চেইচিদিয়্যেগুনে হুজি ওইনে দান গুরিলাক্‌।

২ বংশধর 2:6

মাত্তর্‌ তাত্তেই ঘর্‌ বানেবাত্তে কন্না পারে? কিত্যে আগাজত্‌, এমন্‌ কি স্বর্গত্‌ তার্‌ জাগায়ান্‌ নকুলেয়্যে অয়। বানা তা মুজুঙোত্‌ নানান্‌ উৎসর্বর পযাপিরানি পড়িবার জাগায়ান্‌ বাদে মুই আর কেধোক্ক্যেন গুরি তাত্তেই এক্কান্‌ ঘর্‌ বানেই পারং?

২ বংশধর 32:23

ভালোক্‌জনে যিরূশালেমত্‌ লগেপ্রভুর নাঙে বক্‌শিজ্‌ আনিলাক্‌ আর যিহূদার রাজা হিষ্কিয়োত্তে মংগা বক্‌শিজ্‌ আনিলাক্‌। সেক্কেনে সে অক্তত্তুন্‌ ধুরিনে বেক্‌ জাদর্‌ মানুচ্চুনে তারে ভারী সর্মান গরা ধুরিলাক্‌।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

ইষ্রা 6:12

কনঅ রাজা বা কনঅ জাদে যুদি এই উগুমান অমান্য গুরিনে যিরূশালেমর্ সেই উবোসনা-ঘরান ভস্ত গুরিবাত্যে যায় সালেন্ গোজেনে, যিবে সিয়েনত্ বজত্তি গরে তে যেনে তারে ভস্ত গরে। মুই দারিয়াবস এই উগুমান দুয়োঙর্। ইয়েন যেনে যত্তন্ গুরিনে পালন্ গরা অয়।

ইষ্রা 6:4

সিয়েনত্ থেবাক্ তিন সুর্ দাঙর্ দাঙর্ পাত্তর উগুরে এক সুর্ তক্তা। রাজার ধনভান্ডালত্তুন্ বেক খরচ্চানি দিয়্যে ওক্।

ইষ্রা 7:14

তঅ আঢত্ তমা গোজেনর্ যে রীদি-সুদোমানি আঘে সেই মজিম্ যিহূদা আর যিরূশালেমর অবস্থাগান্ কেজান্ সিয়েনর্ হবর্ নিবাত্তে রাজা আর তার সাতজন সল্লাদিয়্যে তরে সিধু পাধাদন্।

ইষ্রা 8:25

মুই তারা ইধু সেই সনা, রূবো আর পিলেগুন মাবিনে নিগিলেই দিলুং যিগুন রাজা আর তা সল্লাদিয়্যেগুনে, কামগুরিয়্যেগুনে আর সিয়েনত্ আঝিল্ ওইয়্যে বেক্ ইস্রায়েলীয়গুনে আমা গোজেন ঘরত্তে দান গোজ্যন্।

গীতসংহিতা 135:21

লগেপ্রভু, যিবে যিরূশালেমত্ বজত্তি গরে, তারে বাঈনী গরানা সিয়োনত্তুন্ ধুরি আরাম্ভ ওক্। লগেপ্রভুরে নাঙ্ গিনে ওক্।

গীতসংহিতা 26:8

ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

গীতসংহিতা 9:11

লগেপ্রভু সিয়োনত্ আঘে; তুমি তার্ নাঙ্ গিনেদে বাবোত্যে-গান গঅ। তে যিয়েনি গোজ্যে সিয়েনি অন্য জাদ ইদু ফগদাং গরঅ;