ইষ্রা 6:6 - Chakma Bible

⁶ সেক্কে রাজা দারিয়াবসে এই জোব্‌‍‌‍‍পান দিলো: “ইউফ্রেটিস গাঙর্ পোজিম্ পারর্ চাগালানির্ শাজন্‌‍‍‍‌‍‍‍গুরিয়্যে তত্তনয় আর শথরবোষণয় আহ্ সিদুগোর্ অজল্ পোজিশনর্ কামগুরিয়্যেগুন, তুমি ইক্কুনি সেই জাগানত্তুন্ দূরোত্ থেবা।

ইষ্রা 6:6 ပူးပေါင်းရင်းမြစ်များ

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

পত্থম 43:14

বেগত্তুন্‌ খেমতাবলা গোজেনে যেন সে মানুচ্চো ইধু তমারে দোয়্যে দেগায়, আর তমা সে ভেইবো আর বিন্যামীনরেয়ো তমা আদত্‌ ইরি দে; আর যুনি মত্তুন পুয়ো আরেয়্যে উয়ো পরেদে অয়্‌ সালে নয়ত সিয়েনোই অলুং।”

ইষ্রা 4:9

(শাজন্‌‌‌‌গুরিয়্যে রহূম আর লিগিয়্যে শিম্‌শয় এই চিদিগান্ লেখ্যে। তারা সমারে আঘন্ বিচের্‌‌‌‌গুরিয়্যেগুন, কামগুরিয়্যেগুন, দাঙর্ পোজিশনবলাগুন্, পরিচালগ্‌‌‌‌কুনে আর এরকীয়, বাবিলীয় আর শূশার এলমীয় মানুচ্চুন আর অন্য মানুচ্চুুনে যিগুনে দাঙর্ আর সর্মানিত অশূরবানিপাল শমরিয়ার আদাম আর শঅরত্ আহ্ ইউফ্রেটিস গাঙর্ পশ্চিম পারর অন্য চাগালাত্ বজত্তি গুরিবাত্তে দিয়্যে।)

ইষ্রা 5:3

সেক্কে ইউফ্রেটিস গাঙর্ পোজিম্ পারর্ চাগালাগুনোর শাজন্‌গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে যিহূদীগুনো ইধু যেইনে তারারে কলাক্, “উবোসনা-ঘরান আরঅ বানেবাত্যে কন্না তমারে উগুম দিয়্যে?”

ইষ্রা 5:6

ইউফ্রেটিস গাঙর্ পোজিম্ পারর্ চাগালাগানির্ শাজন্‌গুরিয়্যে তত্তনয়, শথরবোষণয় আর সিধুগোর্ দাঙর্ পোজিশনর্ কামগুরিয়্যেগুনে রাজা দারিয়াবসর ইধু যে চিধিগান পাদেয়্যে সিয়েন এবাবোত্যে: মহারাজ দারিয়াবস, তর্ ভালেদি ওক্।

ইষ্রা 6:13

রাজা দারিয়াবসে সেই উগুমান পাদেয়্যে বিলিনে ইউফ্রেটিস গাঙর্ পোজিম্ পারর্ চাগালানির্ শাজন্‌‍‍‍‍গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে সিয়েন যত্তন্ গুরিনে পালেলাক্।

ইষ্রা 6:7

গোজেনর্ এই ঘরর্ কামত্ তুমি মানা ন গুরিবে। যিহূদীগুনোর শাজন্‌‍‍‍‌‍‍‍গুরিয়্যে আর তারার্ বুড়ো নেতাগুনে গোজেনর্ সেই ঘরান আগ জাগানদই আরঅ বানাদোক্।

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?