ইষ্রা 6:3 - Chakma Bible

³ রাজা কোরসর রাজাগিরির্ পত্তম বজরত্ যিরূশালেমর্ গোজেনর্ ঘর বেপারে তে এই উগুমান দিলো: “য়েমান উৎসর্গর জাগা ইজেবে উবোসনা ঘরান আরঅ বানা ওক্ আর সিয়েনর্ গড়াগান্ দরমরগুরি থিদেবর্ গরা ওক্। সিয়েন অবঅ ষায়েট আঢ্ অজল্ আর ষায়েট আঢ্ পাদাজ্যে।

ইষ্রা 6:3 ပူးပေါင်းရင်းမြစ်များ

২ বংশধর 2:3

শলোমনে সোরর রাজা হীরমরে এ হবরান্‌ পাদেল, মঅ বাপ্পো দায়ূদে থেবাত্তে এক্কান্‌ রাজঘর বানেবাত্তে তুই যেধোক্ক্যেন্‌ তারে এরস গাজ্‌সোই পাদেয়োচ্‌ সেধোক্ক্যেন্‌ মত্তেয়ো এরস গাজ্‌ পাধেই দে।

২ বংশধর 2:6

মাত্তর্‌ তাত্তেই ঘর্‌ বানেবাত্তে কন্না পারে? কিত্যে আগাজত্‌, এমন্‌ কি স্বর্গত্‌ তার্‌ জাগায়ান্‌ নকুলেয়্যে অয়। বানা তা মুজুঙোত্‌ নানান্‌ উৎসর্বর পযাপিরানি পড়িবার জাগায়ান্‌ বাদে মুই আর কেধোক্ক্যেন গুরি তাত্তেই এক্কান্‌ ঘর্‌ বানেই পারং?

২ বংশধর 36:22

যিরমিয়োর মাধ্যমে কোইয়্যে লগেপ্রভুর কধাগান্‌ পূরণ অবাত্তে পারস্যের রাজা কোরসর রাজাগিরির্‌ পত্তম্‌ বজরত্‌ লগেপ্রভু কোরসর মনানত্‌ এন্‌ আওজ্ দিলো যিয়েনত্তে তে তার্‌ পুরো রেজ্যত্‌ মুয়োন্দি আর লেখ্যেগুরিনে এ ফগদাঙান্‌ গুরিলো:

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

ইষ্রা 6:14

ভাববাদী হগয় আর ইদ্দোর বংশধর সখরিয় গোজেনর্ কধা মজিম্ উচ্চোমি দের্ আর তা সমারে সমারে যিহূদীগুনোর বুড়ো নেতাগুনে গাথনি কামান্ গমেডালে চালেই যাহ্ ধুরিলাক্। ইস্রায়েলর্ গোজেনর্ উগুম মজিম্ আর পারস্যের রাজা কোরস, দারিয়াবস আর অর্তক্ষস্তর উগুমে তারা উবোসনা-ঘরান্ বানেবার কামান্ থুম্ গুরিলাক্।

গীতসংহিতা 122:4

সিয়োদই বেক্ গুট্টিগুনে উদোন্দোই, লগেপ্রভু মানুচ্চুনোর বেক্ গুট্টিগুন; ইস্রায়েলরে দিয়্যে উগুম্ মজিম তারা উদোন্দোই লগেপ্রভুরে ভালেদি জানেবাত্তে।

ফগদাং পেইয়্যে 21:16

শঅরান্ চেরকিত্যে-লাম্বা আর পাধাজ্জ্যেদি সং। যেরেদি তে সেই মাবিবার লুদিক্কোলোই শঅরান্ মাবিলে পরেদি দেগা গেলঅ সিয়েন লাম্বা, পাধাজ্জ্যে আর অজলদি দ্বি আজার চের্‌শ কিলোমিটার।