ইষ্রা 6:16 - Chakma Bible

¹⁶ সে পরেদি ইস্রায়েলীয়গুনে, অত্তাৎ ধর্মগুরুগুনে, লেবীয়গুনে আর বন্দীদজাত্তুন্ ফিরি এচ্চ্যে বাদবাগি মানুচ্চুনে হুজিয়ে-রাজিয়ে গোজেনর্ ঘরান্ থিদেবর্ গুরিলাক্।

ইষ্রা 6:16 ပူးပေါင်းရင်းမြစ်များ

১ রাজাবলী 8:62

সে পরেন্দি রাজা আর তা সমারে বেক্‌ ইস্রায়েলীয়গুনে লগেপ্রভুর মুজুঙোত্‌ উৎসর্বর অনুষ্ঠানান গুরিলাক্।

১ রাজাবলী 8:63

শলোমনে বেইশ আজার গোরু আর এক লাখ্‌ কুড়ি আজার ভেড়ালোই উদোলোলি-উৎসর্বর অনুষ্ঠানান্‌ গুরিলো। এধোক্ক্যেনগুরিনে রাজা আর বেক্‌ ইস্রায়েলীয়গুনে লগেপ্রভুর ঘরান্‌ থিদেবর্ গুরিলাক।

১ বংশধর 15:28

এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

১ বংশধর 9:2

যিগুনে পত্তমে ফিরি এচ্ছ্যন্‌ নিজো শঅরত্‌ আর আদামত্‌ নিজো জাগা-জোমি উগুরে আরঅ বজত্তি গরানা আরাম্ভ গুরিলাক্‌ তারা অলাক্কে ধর্মগুরু, লেবীয়, তবনা-ঘরর্‌ সেবাগুরিয়্যে আর অন্য ইস্রায়েলীয়গুন।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

২ বংশধর 30:23

সে পরেন্দি বেক্‌ মানুচ্চুনে আরঅ সাত দিন সং সে পরব্‌পো পালেবাক্‌ বিলিনে ঠিগ্‌ গুরিলাক্‌; সেনত্তে আরঅ সাত দিন সং তারা রঙ্গ-ফুত্তি গুরিনে সে পরব্‌পো পালেলাক্‌।

২ বংশধর 30:26

যিরূশালেমত্ খুব্‌ রঙ্গ-ফুত্তি অলঅ; ইস্রায়েলর রাজা দায়ূদোর পুয়ো শলোমন পরেন্দি যিরূশালেমত্‌ আর এধোক্ক্যেন গুরিনে পরব্‌ পালা গরা ন-অয়।

২ বংশধর 7:5

রাজা শলোমনে বেঈশ আজার গোরু আর এক লাখ্‌ কুড়ি আজার ভেড়া ছাগল উৎসর্ব গুরিলো। ইঙিরিনে রাজা আর বেক্‌ মানুচ্চুনে গোজেন ঘরান্‌ থিদেবর্ গুরিলাক্‌।

ইষ্রা 4:1

যিহূদা আর বিন্যামীনোর মানুচ্চুনোর শত্রুগুনে শুনিলাক্কে যে, বন্দীগুনে ফিরি এইনে ইস্রায়েলর্ গোজেন নাঙে এক্কান উবোসনা-ঘর বানাদন্।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

নহিমিয় 12:27

যিরূশালেমর দেবালান্‌ গোজেনর নাঙে উৎসর্বর পরবোর্‌ সময়োত্‌ লেবীয়গুনে যিয়েনত্‌ বজত্তি গুরিদাক্‌ সিয়েনত্তুন্‌ তারারে যিরূশালেমত্‌ যিরূশালেমত্‌ আনা অলঅ যেনে তারা ঝোন্‌জোনি, বীণা আর হার্‌মোনি বাজেইনে আর ভালেদির্‌ গান্‌ গেইনে হুজিয়্যে রাজিয়্যে সে মেট্‌বানান্‌ পালেই পারন্‌।

নহিমিয় 12:43

গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

নহিমিয় 7:73

ধর্মগুরুগুনে, লেবীয়গুনে, চুগিদারুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর অন্য মানুচ্চুনে, অত্তাৎ বেক্‌ ইস্রায়েলীয়গুনে সাত্‌ মাসর্‌ আগেন্দি যে যার্‌ আদামত্‌ আর শঅরত্‌ বজত্তি গরা ধুরিলাক্‌।

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

গীতসংহিতা 122:1

মান্‌জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”

দানিয়েল 5:13

সেক্কে দানিয়েলরে রাজা ইধু আনা অলঅ, আর রাজা তারে কলঅ, “তুই কি সেই দানিয়েল যিবেরে মঅ আজু যিহূদা দেজত্তুন্ বন্দী গুরি আন্যে?

যোহন 10:22

ইয়েন পরেদি যিরূশালেমত্ উবোসনা-ঘর তুলোনার্ পরব্ এলঅ। সেক্কে জার্‌‌কাল্।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।