ইষ্রা 6:13 - Chakma Bible

¹³ রাজা দারিয়াবসে সেই উগুমান পাদেয়্যে বিলিনে ইউফ্রেটিস গাঙর্ পোজিম্ পারর্ চাগালানির্ শাজন্‌‍‍‍‍গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে সিয়েন যত্তন্ গুরিনে পালেলাক্।

ইষ্রা 6:13 ပူးပေါင်းရင်းမြစ်များ

ইষ্রা 4:23

রাজা অর্তক্ষস্তর চিধিগান্ রহূম, লিগিয়্যে শিম্‌শয় আর অন্য দাঙর্ পোজিশনর্ কামগুরিয়্যেগুনোরে পোড়েই শুনোনার্ লগে লগে তারা যিরূশালেমর যিহূদীগুনো ইধু গেলাক্ আর জোর্ গুরিনে কাম বন্ধ গুরিবাত্তে তারারে বাধ্য গুরিলাক্।

ইষ্রা 4:9

(শাজন্‌‌‌‌গুরিয়্যে রহূম আর লিগিয়্যে শিম্‌শয় এই চিদিগান্ লেখ্যে। তারা সমারে আঘন্ বিচের্‌‌‌‌গুরিয়্যেগুন, কামগুরিয়্যেগুন, দাঙর্ পোজিশনবলাগুন্, পরিচালগ্‌‌‌‌কুনে আর এরকীয়, বাবিলীয় আর শূশার এলমীয় মানুচ্চুন আর অন্য মানুচ্চুুনে যিগুনে দাঙর্ আর সর্মানিত অশূরবানিপাল শমরিয়ার আদাম আর শঅরত্ আহ্ ইউফ্রেটিস গাঙর্ পশ্চিম পারর অন্য চাগালাত্ বজত্তি গুরিবাত্তে দিয়্যে।)

ইষ্রা 5:3

সেক্কে ইউফ্রেটিস গাঙর্ পোজিম্ পারর্ চাগালাগুনোর শাজন্‌গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে যিহূদীগুনো ইধু যেইনে তারারে কলাক্, “উবোসনা-ঘরান আরঅ বানেবাত্যে কন্না তমারে উগুম দিয়্যে?”

ইষ্রা 5:6

ইউফ্রেটিস গাঙর্ পোজিম্ পারর্ চাগালাগানির্ শাজন্‌গুরিয়্যে তত্তনয়, শথরবোষণয় আর সিধুগোর্ দাঙর্ পোজিশনর্ কামগুরিয়্যেগুনে রাজা দারিয়াবসর ইধু যে চিধিগান পাদেয়্যে সিয়েন এবাবোত্যে: মহারাজ দারিয়াবস, তর্ ভালেদি ওক্।

ইষ্রা 6:6

সেক্কে রাজা দারিয়াবসে এই জোব্‌‍‌‍‍পান দিলো: “ইউফ্রেটিস গাঙর্ পোজিম্ পারর্ চাগালানির্ শাজন্‌‍‍‍‌‍‍‍গুরিয়্যে তত্তনয় আর শথরবোষণয় আহ্ সিদুগোর্ অজল্ পোজিশনর্ কামগুরিয়্যেগুন, তুমি ইক্কুনি সেই জাগানত্তুন্ দূরোত্ থেবা।

ইষ্টের 6:11

সেনত্তেই হামনে রাজপোজাক্‌ আর ঘোড়াগুন্‌ নেযেল আর মর্দখয়রে রাজপোজাক্‌ উরেইনে ঘোড়া উগুরে চোড়েইনে শঅরর্‌-চক্কর্‌বোত্‌ তা আগে আগে এ কধাগান ফগদাঙ্‌ গুরিনে বেড়া ধুরিলো, “রাজা যিবেরে সর্মান দেগেবাত্তে চায় তা উগুরে এ বাবোত্যে গরা অবঅ।”

গম্ উপদেজ্ 29:26

বিচেরত্ ভালোক্‌জনে শাজন্ গুরিয়্যেবোরে নিজোর তপ্পে আনিবাত্তে চান্, মাত্তর্ লগেপ্রভুত্তুন্ মান্‌‌জ্যে দোল্ বিচের পান্।

উপদেশক 8:4

রাজার্ কধানি যেক্কেনে বেক্কানিত্তুন্ দাঙর্ সেক্কেনে কন্না তারে কোই পারে, “তুই কি গোজ্যস্?”