ইষ্রা 5:11 - Chakma Bible

¹¹ জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

ইষ্রা 5:11 ပူးပေါင်းရင်းမြစ်များ

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

১ রাজাবলী 6:38

সল্লা মজিম্ তবনা-ঘরানর বেক্‌ কামানি এগার বজরর্‌ বূল মাজত, অত্তাৎ আস্‌তো মাজত্‌ শেজ্ ওইয়্যে। এ তবনা-ঘরান বানাদে শলোমনর্ সাত বজর সময় লাক্ক্যে।

১ রাজাবলী 9:10

লগেপ্রভুর ঘর আর রাজঘরান্‌ বানাদে শলোমনর্ কুড়ি বজর সময় লাক্ক্যে।

ইষ্রা 5:10

আমি তারার্ নাঙানিয়ো পিযের্ গোজ্যেই যেনে তারার্ নেতাগুনোর্ নাঙানি তরে জানেবাত্যে লিগি রাগেই পারি।

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

গীতসংহিতা 136:26

তুমি স্বর্গর্ গোজেনরে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

দানিয়েল 3:26

সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

যোনা 1:9

জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

মথি লেখ্যে গম্ হবর্ 10:32

যে কনজনে মান্‌জ্য মুজুঙোত্ মরে স্বিগের্ গরে মুইয়ো মর্ স্বর্গর বাবা মুজুঙোত্ তারে স্বীগের্ গুরিম।

লূকে লেখ্যে গম্ হবর্ 12:8

“মুই তমারে ঘেচ্চ্যেকগুরি কঙর্, যে কেঅ মান্‌জ্য মুজুঙোত্ মরে স্বীগের্ গরে মান্‌জ্য পুয়োবোয়ো তারে গোজেন দুত্তুনো মুজুঙোত্ স্বীগের্ গুরিবো।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”