ইষ্রা 4:24 - Chakma Bible

²⁴ এবাবোত্যেগুরি যিরূশালেমর্ গোজেনর্ ঘরর্ কামান্ বন্ধ ওই গেলঅ; পারস্যের রাজা দারিয়াবসর রাজাগিরির দ্বিবজর সং সিয়েন বন্ধ থেলঅ।

ইষ্রা 4:24 ပူးပေါင်းရင်းမြစ်များ

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

ইষ্রা 4:23

রাজা অর্তক্ষস্তর চিধিগান্ রহূম, লিগিয়্যে শিম্‌শয় আর অন্য দাঙর্ পোজিশনর্ কামগুরিয়্যেগুনোরে পোড়েই শুনোনার্ লগে লগে তারা যিরূশালেমর যিহূদীগুনো ইধু গেলাক্ আর জোর্ গুরিনে কাম বন্ধ গুরিবাত্তে তারারে বাধ্য গুরিলাক্।

ইষ্রা 4:5

তারার্ বিরুদ্ধে কাম গুরিনে তারার্ উদ্দেশ্যগান বাদ দিবাত্তে তারা পারস্যের রাজার কামগুরিয়্যেগুনোরে টেঙা দিলাক। তারা রাজা কোরসর পুরো রাজাগিরিত্ আর সে পরেদি রাজা দারিয়াবসর রাজাগিরিত্ সেই একই কাম গরা ধুরিলাক্।

ইষ্রা 5:1

রাজা দারিয়াবসর্ রাজাগিরির দ্বিবজরত্ ভাববাদী হগয় আর ইদ্দোর বংশধর ভাববাদী সফরিয় ইস্রায়েলর গোজেনর্ নাঙে যিহূদা আর যিরূশালেমর্ যিহূদীগুনো ইধু গোজেনর্ দিয়্যে কধা কুয়ো ধুরিলাক্।

ইষ্রা 5:5

মাত্তর্ যিহূদীগুনোর্ বুড়ো নেতাগুনো ইন্দি গোজেনে মনযোগ দিলো। যেদকবিলোন্ সং দারিয়াবস ইধু হবর্ পাঢা ন অলঅ আর তাত্তুন্ লেখ্যে জোব্‌পান পাহ্ ন গেলঅ সেদকবিলোন্ সং নেতাগুনে কামানি থামেই ন দিলাক্।

ইষ্রা 6:1

রাজা দারিয়াবসে উগুম দিলে পরেদি মানুচ্চুনে বাবিলোর রাজ-সরকারর কাগজ্‌পাদি থবার্ জাগানত্ যেইনে সিয়েনি তোগেইনে দেগিলাক্।

ইষ্রা 6:14

ভাববাদী হগয় আর ইদ্দোর বংশধর সখরিয় গোজেনর্ কধা মজিম্ উচ্চোমি দের্ আর তা সমারে সমারে যিহূদীগুনোর বুড়ো নেতাগুনে গাথনি কামান্ গমেডালে চালেই যাহ্ ধুরিলাক্। ইস্রায়েলর্ গোজেনর্ উগুম মজিম্ আর পারস্যের রাজা কোরস, দারিয়াবস আর অর্তক্ষস্তর উগুমে তারা উবোসনা-ঘরান্ বানেবার কামান্ থুম্ গুরিলাক্।

ইষ্রা 6:15

রাজা দারিয়াবসর রাজাগিরির ছয় বজরত্ অদর মাজর্ তিন দিনোত্ উবোসনা-ঘরর্ কামান্ থুম অলঅ।

নহিমিয় 6:3

সেনত্তেই মুই মানুচ্‌ পাদেইনে তারারে এ জোব্‌পান দিলুঙ্‌, “মুই এক্কান্‌ বিশেজ্ দরকারী কাম্‌ গরঙর্‌ বিলিনে যেই ন-পারঙর্‌। মুই কাম্‌ বাদ দিইনে তমা ইদু যানার্‌ কারনে কিত্তেই কাম্‌ বন্ধ থেবঅ?”

নহিমিয় 6:9

তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

দানিয়েল 11:2

ইক্কিনে মুই তরে যিয়েনি কোম্ সিয়েনি ঘেচ্চেক্‌গুরি ঘুদিবো। পারস্যেত্ আরঅ তিন্নো রাজা রাজাগিরি গুরিবাক্। তারা পরেদি আর এক্কো রাজা অন্য রাজা গুনোত্তুন্ বোউত্ বেশ্ তাগোয়্যে অবাক্। তার ধনানিলোই দরমর অনার পরেদি তে গ্রীস রেজ্যর্ বিরুদ্ধে বেক্কুনোরে উত্তেজিত গুরিবো।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:15

সেই কামানি রাজা দারিয়াবসর রাজাগিরির দ্বিবজরর্ ছয় মাসর চব্বিশ দিনোত্ আরম্ভ ওইয়্যে।

হগয় 2:15

ইক্কিনেত্তুন্ ধুরি তুমি এ পৌইদ্যেনে গমেডালে চিন্তে গরঅ, মঅ ঘরত্ যেক্কে এক্কো পাত্তর উগুরে আর এক্কো পাত্তর্ ন-এলঅ সেক্কে কি অবস্থা এলঅ।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

সখরিয় 1:1

দারিয়াবসর রাজাগিরির দ্বিবজরর্ আস্‌‌‌তো মাসত্ লগেপ্রভুর কধানি সখরিয় ইধু ফগদাং অলঅ। সখরিয় এলদে বেরিখিয়র পুয়ো আর বেরিখিয় ইদ্দোর পুয়ো।

১ থিষলনীকীয় 2:18

সেনত্যে আমি, বিশেষ গুরিনে মুই পৌল ভালোক্ বার্ তমা ইধু এবাত্যে চেইয়োং, মাত্তর্ শদানে আমারে মানা গোজ্জ্যে।