ইষ্রা 4:23 - Chakma Bible

²³ রাজা অর্তক্ষস্তর চিধিগান্ রহূম, লিগিয়্যে শিম্‌শয় আর অন্য দাঙর্ পোজিশনর্ কামগুরিয়্যেগুনোরে পোড়েই শুনোনার্ লগে লগে তারা যিরূশালেমর যিহূদীগুনো ইধু গেলাক্ আর জোর্ গুরিনে কাম বন্ধ গুরিবাত্তে তারারে বাধ্য গুরিলাক্।

ইষ্রা 4:23 ပူးပေါင်းရင်းမြစ်များ

ইষ্রা 4:17

সেক্কেনে রাজা সেই চিদির্ এই জোব্‌পান পাদেই দিলো: “শাজন্‌গুরিয়্যে রহূম, লিগিয়্যে শিম্‌শয় আর শমরিয়া আর ইউফ্রেটিস গাঙর্ পোজিম্ পারর্ নানান্ চাগালাত্ বজত্তিগুরিয়্যে অন্য দাঙর্ পোজিশনর্ কামগুরিয়্যেগুনো ইদু মুই লেগঙর্। তমার্ ভালেদি ওক্।

ইষ্রা 4:22

উজিয়ার্, এই কামত্ যেন এলাফেলা গরা ন অয়। কিত্যে রাজ-সরকারর খেতিগান্ বাড়িবাত্তে দিয়্যে অবঅ?”

ইষ্রা 4:24

এবাবোত্যেগুরি যিরূশালেমর্ গোজেনর্ ঘরর্ কামান্ বন্ধ ওই গেলঅ; পারস্যের রাজা দারিয়াবসর রাজাগিরির দ্বিবজর সং সিয়েন বন্ধ থেলঅ।

ইষ্রা 4:7

পারস্যের রাজা অর্তক্ষস্তর সময়োত্অ বিশ্লম, মিত্রদাৎ, টাবেল আর তার অন্য সমাজ্যেগুনে অর্তক্ষস্ত ইদু এক্কান চিদি লিগিলাক্। সেই চিদিগান্ অরামীয় কধাদি অনুবাদ গুরিনে লেগা অলঅ।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

রোমীয় 3:15

খুন্ গুরিবাত্যে তারার্ টেঙানি যাদিমাদি ধাবা দে,