ইষ্রা 4:20 - Chakma Bible

²⁰ খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

ইষ্রা 4:20 ပူးပေါင်းရင်းမြစ်များ

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

১ রাজাবলী 4:21

ইউফ্রেটিস গাঙত্তুন্‌ আরাম্ভ গুরিনে মিসর আর পলেষ্টীয়গুনোর দেজর্‌ ধুজি সং বেক্‌ রেজ্যগানি শলোমনর্ শাজন্ অধীনোত্‌ এলঅ। শলোমনে যেদকদিন বাঁজি এলঅ সেদকদিন এ দেজ্‌ছানি তারে চান্দা দিদো আর তা অধীনোত্‌ এলঅ।

১ রাজাবলী 4:24

শলোমনে ইউফ্রেটিস গাঙর্‌ পোজিমেন্দি বেক্‌ রেজ্যগানি, অত্তাৎ তিপ্‌সহত্তুন্‌ গাজা সং রাজাগিরি গুরিদো আর তা রেজ্যগানির বেক্‌ জাগানিত্‌ সুখ্‌-শান্দি এলঅ।

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

১ রাজাবলী 5:4

মাত্তর্‌ ইক্কিনে মঅ গোজেন লগেপ্রভু চেরোকিত্তেত্তুন্‌ মরে সুগ-শান্দি দিয়্যে। ইক্কিনে মর্‌ কনঅ শত্রু নেই আর কনঅ দযায়ো ন-অয়।

১ বংশধর 18:13

তে ইদোম কয়েক্কান্‌ জাগাত্‌ সৈন্যদল রাগেল আর সেক্কে বেক্‌ ইদোমীয়গুনে দায়ূদো অধীনোত্‌ অলাক্‌। দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 18:3

পরেন্দি সোবার রাজা হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতাগান থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিবাত্তে হমাৎ সং গেলঅ।

১ বংশধর 18:6

দায়ূদে অরাম রেজ্যর দামেস্কত্‌ সৈন্যদলুন্‌ রাগেল। সেক্কে অরামীয়গুনে তা অধীনোত্‌ ওইনে তারে কর্‌ দিয়্যে ধুরিলাক্‌। ইঙিরিনে দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 19:19

হদদেষর অধীনোত্‌ রাজাগুনে যেক্কে দেগিলাক্‌, তারা ইস্রায়েলীয়গুনো ইদু উদি যেয়োন্‌ সেক্কে দায়ূদো লগে শান্তি-চুক্তি গুরিনে তারা তা অধীনোত্‌ এলাক্‌। সেনত্তে অম্মোনীয়গুনোরে বল্‌ দিবাত্তে অরামীয়গুনে আর রাজী ন-অলাক্।

২ বংশধর 17:11

কয়েক্কো পলেষ্টীয় কর্‌ ইজেবে যিহোশাফট ইদু বক্‌শিজ্‌ আর রূবো লোই এলাক্‌ আর আরবীয়গুনে লোই এলাক্‌ সাত আজার সাতশঅ ভেড়া আর সাত আজার সাতশঅ ছাগল।

২ বংশধর 9:14

ইগুনে বাদেয়ো বণিক আর বেপারীগুনে সোনা আনিদাক্‌ আর আরবর বেক্‌ রাজাগুনে আর দেজর্‌ শাজন্‌গুরিয়্যেগুনে শলোমন ইদু সোনা আর রূবো আনিদাক্‌।

ইষ্রা 4:13

মহারাজর্ আরঅ জানা দরকার যে, যুদি সেই শঅরান্ আর দেবালান্ আরঅ বানা অয় সালে সেই মানচ্চুনে খাজনা, কর্‌ বা শুল্ক ন দিবাক্। সেক্কে রাজার আয়র ক্ষতি অবঅ।

ইষ্রা 4:16

আমি রাজারে জানের্, এই শঅরান্ যুদি আরঅ বানা অয় আর সিয়েনর্ দেবালানি তুলো অয়, সালে ইউফ্রেটিস গাঙর্ পোজিম্ পারর্ চাগালানিত্ তর্ অধীনোত্ বিলিনে কিচ্ছু ন থেবঅ।”

ইষ্রা 4:19

মুই উগুম গুরিলে পরেদি সিয়েন বিজিরে ওইয়্যে আর হবর্ পাহ্ যেইয়্যেদে যে, ভালোক্ বজর্ আগেত্তুন্ ধুরি সেই শঅরানে রাজাগুনোর বিরুদ্ধে উল্লোমী গুরি এজের্; আজলে সিয়েন এমন এক্কান শঅর্ যিয়েনর্ মানুচ্চুনে শাজন্ ন মানন্।

ইষ্রা 4:21

ইক্কুনি তুমি সে মানুচ্চুনোর্ কামানি বন্ধ গুরিবাত্তে উগুম দুয়ো যেনে মর্ উগুম ন পানা সং সেই শঅরান্ আরঅ তুলো ন অয়।

ইষ্রা 7:24

আমি তমারে আরঅ কোত্তে, গোজেনর্ সেই ঘরর কনঅ ধর্মগুরু, লেবীয়, গানগেইয়্যে, চুগিদার্, সেবাগুরিয়্যে বা অন্য কনঅ কামগুরিয়্যে উগুরে কনঅ খাজানা, কর্‌ বা শুল্ক বোজেবার্ খেমতা তমার্ নেই।

গীতসংহিতা 72:8

তা রেজ্যগানর দুযিগান্ সাগরত্তুন সাগর সং, ইউফ্রটিস্ গাঙত্তুন্ পিত্‌থিমীর শেজ্ দুযি সং ওক্।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

যিহিষ্কেল 19:11

তার ডেলাগুন এলাক্ দরমর, শাজন্‌গুরিয়্যেবোর রাজলুদিক্ অবার্ যগাজ্যে। সেই গাজ্‌‌সো অজল্ ওইনে যেন মেঘত্ লুমিলো; সেনত্তে তা পাদালোই-ভরা ডেলাগুন সহজে চোগোত্ পড়িলো।

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।