ইষ্রা 3:8 - Chakma Bible

⁸ যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

ইষ্রা 3:8 ပူးပေါင်းရင်းမြစ်များ

১ বংশধর 23:4

ইগুনো ভিদিরে চব্বিশ আজার্ জন লগেপ্রভু ঘর কামানি দেগাশুনো গুরিবাত্তে নেযা অলঅ আর ছয় আজার্ জন অফিসার অলাক্ আর বিচেরক্‌ আহ্‌ চের্‌ আজার্ জন চুগিদার অলাক্। দায়ূদে যিদুক্কুন্‌ বাজনা বানেয়্যে সিয়েনি বেবহার গুরিনে লগেপ্রভুরে নাঙ্ গিনিবাত্তে বাদবাগি চের্‌ আজার্ লেবীয় নেযা অলঅ।

১ বংশধর 3:17

বন্দী যিকনিয়ো পুয়োগুন অলাক্‌ শল্টীয়েল,

ইষ্রা 10:18

যিগুনে অন্য জাদর্ মিলেগুনোরে লোইয়োন তারার্ নাঙানি ইয়েনি: ধর্মগুরুগুনো ভিদিরে যোষাদকর পুয়ো যেশূয়র আর তা ভেইয়ুনোর্ বংশধরুনো ভিদিরে মাসেয়, ইলীয়েষর, যারিব আর গদলিয়।

ইষ্রা 2:2

এই মানুচ্চুনে সরুব্বাবিল, যেশূয়, নহিমিয়, সরায়, রিয়েলায়, মর্দখয়, বিল্‌‌‌‌শন, মিসপর, বিগ্‌‌‌‌বয়, রহূম আর বানার সমারে ফিরি এচ্চ্যন। যিদুক্কুন ইস্রায়েলীয় মরদ্ ফিরি এচ্চ্যন্ তারার্ সোংখ্যেগুন এই:

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

ইষ্রা 4:24

এবাবোত্যেগুরি যিরূশালেমর্ গোজেনর্ ঘরর্ কামান্ বন্ধ ওই গেলঅ; পারস্যের রাজা দারিয়াবসর রাজাগিরির দ্বিবজর সং সিয়েন বন্ধ থেলঅ।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

ইষ্রা 5:16

সেনত্তে শেশ্‌বসরে এইনে যিরূশালেমত্ গোজেনর্ ঘরর্ গড়াগান্ থিদেবর্ গোজ্যে। সেদিন্যেত্তুন্ ধুরি এচ্চ্যে সং সিয়েনর্ বানানার্ কামান্ চলের্, এজঅ থুম্ ন অয়।”

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

গণাণা 4:3

ত্রিশ বজত্তুন্‌ ধুরি পঞ্চাশ বজর্‌ বয়জর্‌ যে কহাতীয় মরত্তুনে মিলন-তাম্বুলোত কাম্‌ গুরিবাত্তে এবাক্‌ বানা তারার্‌ সোংখ্যেগুন গুণিবা।