ইষ্রা 3:10 - Chakma Bible

¹⁰ রাজমিস্ত্রিগুনে যেক্কে লগেপ্রভুর ঘরর্ গড়াগান থিদেবর্ গুরিলাক্ সেক্কে ইস্রায়েলর রাজা দায়ূদোর উগুম মজিম্ লগেপ্রভুরে বাঈনী গুরিবাত্তে ধর্মগুরুগুনে তারার্ ঠিগ গোজ্যে পোজাক্কানি পিনিনে তূরীলোই আর লেবীয়গুনো ভিদিরেত্তুন্ আসফর পুয়োগুনে ঝোন্‌‌ঝোনিলোই যে যিগুনোর্ জাগানত্ থিয়্যেলাক্।

ইষ্রা 3:10 ပူးပေါင်းရင်းမြစ်များ

১ বংশধর 15:27

সুন্দুক্‌ বোইয়্যে লেবীয়গুনে, গানগেইয়্যেগুনে আর গান দলর্‌ পরিচালক কননিয় মসীনার পাদল্‌ কাবড় পোজাগকান উজ্যে। দায়ূদেয়ো মসীনার পাদল্‌ কাবড় পোজাগকান আর মসীনার লাম্বা সুলুম্মো উজ্যে।

১ বংশধর 16:37

পত্তিদিনো দরকার্‌ মজিম্‌ নিত্য সেবা-কামত্তে দায়ূদ লগেপ্রভুর সুদোম-সুন্দুক্কো ইদু আসফরে আর তা মানুচ্চুনোরে ফেলেই গেলঅ।

১ বংশধর 16:42

গোজেন নাঙে গান গেবার্‌ অক্তত্‌ তূরী, ঝন্‌ঝনি আর অন্য বাজানা বাজেবাত্তে হেমন আর যিদূথূন উগুরে ভারান্‌ দিয়্যে অলঅ। যিদূথূনো গুট্টির মানুচ্চুনোরে রক্ষী ইজেবে নেযা অলঅ।

১ বংশধর 25:25

আদার লম্বরত্ চাম্বাত্‌ উদিলো হনানির নাঙান্‌; তে, তার্‌ পুয়োগুন আর কুদুম্মোগুন মিলিনে অলাক্‌ বারজন।

২ বংশধর 35:14

সে পরেন্দি তারা নিজোর্‌ আর ধর্মগুরুগুনোত্তে বেবস্থা গুরিলাক্‌, কিত্তে ধর্মগুরুগুনে, অত্তাৎ হারোণর গুট্টিগুনে পূজ্যে-উৎসর্বর জিনিস আর তেলর্‌ ভাগ্‌কো রেত্‌ সং উৎসর্ব গুরিলাক্‌। সেনত্তে লেবীয়গুনে নিজোর্‌ আর হারোণ-গুট্টির ধর্মগুরুগুনোত্তে বেবস্থা গুরিলাক্‌।

২ বংশধর 35:15

দায়ূদ, আসফ, হেমন আর রাজার চেইয়্যে যিদূথূনোর উগুম মজিম্ আফসর গুট্টির গানগেইয়্যে আর বাজেয়্যেগুনে নিজোর্‌ নিজোর্‌ জাগাত্‌ এলাক্‌। পত্তি গেদোত্‌ চুগিদার এলাক্‌। তারার্‌ কামানি ছাড়ি এজানা দরকার্‌ ন-অলঅ, কিত্তে তারার্‌ লেবীয় ভেইয়ুনে তারাত্তে বেবস্থা গোজ্যন্‌।

২ বংশধর 5:12

যে লেবীয়গুনে গান-বাজনা গুরিদাক্‌, অত্তাৎ আসফ, হেমন, যিদূথূন আর তারার্‌ পুয়োগুনে আর তারার্‌ বংশর মানুচ্চুনে মসীনার কাবড়ানি উরিনে পূজোবোর পূগেন্দি থিয়্যেইনে জোরি, বাশি আর হারমোনি বাজাদন্‌। তারা লগে এলাক্‌ একশঅ কুড়ি জন ধর্মগুরু যিগুনে তূরী বাজাদন্‌।

ইষ্রা 2:41

গীত্‌গেইয়্যেগুন অলাক্ ইগুন: আসফের বংশর একশ আটেশ্ জন।

ইষ্রা 5:16

সেনত্তে শেশ্‌বসরে এইনে যিরূশালেমত্ গোজেনর্ ঘরর্ গড়াগান্ থিদেবর্ গোজ্যে। সেদিন্যেত্তুন্ ধুরি এচ্চ্যে সং সিয়েনর্ বানানার্ কামান্ চলের্, এজঅ থুম্ ন অয়।”

গীতসংহিতা 150:5

দাঙর্ দাঙর্ রঅ গুরিনে করতাল বাজেইনে তারে নাঙ্ গিনো, ঝন্‌ঝন্ গোজ্যে ঝুরি বাজেইনে তারে নাঙ্ গিনো।

হগয় 2:15

ইক্কিনেত্তুন্ ধুরি তুমি এ পৌইদ্যেনে গমেডালে চিন্তে গরঅ, মঅ ঘরত্ যেক্কে এক্কো পাত্তর উগুরে আর এক্কো পাত্তর্ ন-এলঅ সেক্কে কি অবস্থা এলঅ।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

১ শমূয়েল 22:18

সেক্কে রাজা দোয়েগরে কলঅ, “সালে তুই যেইনে ধর্মগুরুগুনোরে মারে ফেলা।” ইদোমীয় দোয়েগে সেদিন্যে পাচাশিজন ধর্মগুরুরে মারে ফেলেল। ধর্মগুরুগুনোর বেক্কুনোর কিয়্যেত্‌ এলদে মসীনার এফোদ।