ইষ্রা 2:68 - Chakma Bible

⁶⁸ তারা যিরূশালেমত্ লগেপ্রভুর্ ঘরত্ লুমিলে পরেদি তারার্ কয়েক্কো বংশ-নেতা গোজেনর্ ঘরান আগ জাগাত্ আরঅ বানেবাত্যে নিজোর্ আওজে দান গুরিলাক্।

ইষ্রা 2:68 ပူးပေါင်းရင်းမြစ်များ

১ বংশধর 21:18

সেক্কে লগেপ্রভুর দূত্‌তো গাদরে উগুম্‌ দিলো যেনে তে দায়ূদোরে যিবূষীয় অরৌণার খামারত্‌ যেইনে লগেপ্রভুর নাঙে এক্কো ডালিপূজো বানেবাত্তে কয়।

১ বংশধর 22:1

ইয়েন পরেন্দি দায়ূদে কলঅ, “গোজেন লগেপ্রভুর ঘর আর ইস্রায়েলর পূজ্যে-উৎসর্বর ডালিপূজো ঘরান্‌ ইয়োদোই অবঅ।”

২ বংশধর 3:1

শলোমনে যিরূশালেমত্‌ মোরিয়া মুড়োবোত্‌ লগেপ্রভুর ঘরান্‌ বানেবাত্তে আরাম্ভ গুরিলো। এ মোরিয়া মুড়োবোত্‌ যিবূষীয় অরৌণা খামারবোত্‌ লগেপ্রভু তা বাপ্পো দায়ূদোরে দেগা দিয়্যে। দায়ূদে এ জাগায়ান্‌ তবনা-ঘরত্তে ঠিগ্‌ গুরিনে ফেলে যেইয়্যে।

ইষ্রা 2:67

পাত্রিশ্‌চো উট আর ছয় আজার্ সাতশ কুড়িবো গাধা এলঅ।

ইষ্রা 2:69

তারার্ খেমতা মজিম এই কামত্তে তারা চের্‌‍শ পাচ কেজি সনা, তিন আজার দ্বিশ পঞ্চাশ কেজি রুবো আর ধর্মগুরুগুনোত্যে একশত্‌‍তো পোজাগ্ ধনভান্ডালত্ দিলাক্।

ইষ্রা 3:3

তারার্ চেরোকিত্যে মানুচ্চুনোরে তারা দোরেলেয়ো আগ গড়াগান উগুরে তারা পূজোবো বানেলাক্ আর তা উগুরে বেন্যেমাদান্ আর উৎসর্বর সময়োত্ লগেপ্রভুর নাঙে পূজ্যে উৎসর্বর অনুষ্ঠান গরা ধুরিলাক্।

ইষ্রা 9:9

আমি চাগর্ অলেয়ো আমা চাগর্ খাদানার্ সময়োত্ আমা গোজেনে আমারে ছাড়ি ন যায়। পারস্যের রাজাগুনো মুজুঙোত্ তে আমা উগুরে বিশ্বেজি বেবহারান্ গোজ্যে। তে আমারে জাগেই তুল্যে যেনে আরঅ আমি আমার্ গোজেন ঘরান বানেই পারি আর সিয়েনর্ ভাঙা জাগায়ান ঠিগ্ গুরিই পারি। তে যিহূদা আর যিরূশালেমত্ আমারে গমেডালে থেবার বেবস্থা গোজ্যে।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যাত্রা 25:2

ইস্রায়েলীয়গুনোরে কগোই‌ যেনে তারা মত্তেই ভোক্তি-উপোহার্‌ আনন্‌। নিজোর আওজে‌ যিগুনে সিয়েন আনিবাক্‌ তুই তারাত্তুন্‌ সিয়েনি গুজি লবে।

যাত্রা 35:21

মনত্তুন্‌ সাড়া পেইনে তারা নিজোর্‌ আওজ্‌সোই লগেপ্রভুরে দিবার আজাই মিলন-তাম্বুল বানানা আর তার্‌ সেবা-কামত্তেই আর ধর্মগুরুর্‌ পবিত্র পোজাক্কানিত্তেই দরকার মজিম বেক্কানি লোইনে ফিরি এলাক্।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

যাত্রা 36:3

পবিত্র তাম্বুল-ঘরান্‌ বানেবাত্তে ইস্রায়েলীয়গুনোর্‌ আন্যে বেক্‌ পযাপিরানি তারা মোশিত্তুন্‌ গুজি ললাক্‌। মাত্তর্‌ মানুচ্চুনে পত্তিদিন বেন্যেমাদান্ নিজোর্‌ আওজ্ মজিম আরঅ‌ জিনিস আনা ধুরিলাক্‌।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

২ করিন্হীয় 8:3

মুই তারার্ পক্ষে এ সাক্ষ্যগান্ দোঙত্তে, তারা আওজ্ গুরিনে নিজোর্ সাধ্য মজিম্, এন্‌ কি, সাধ্যর্ বারেদিয়ো দান গোজ্জ্যন্।

২ করিন্হীয় 9:7

পত্তিজনে মনে মনে যিয়েন থিক্ গুরি থোইয়্যে তে যেন্‌ সিয়েন দে। কেঅ যেন মনত্ দুঘে ন-দে, কিয়া যে হুজি মনে দে গোজেনে তারে কোচ্‌পায়।