ইষ্রা 2:63 - Chakma Bible

⁶³ শাজন্‌গুরিয়্যেগুনে তারার্ উগুমান দিলাক্ যেদকদিন সং ঊরীম আর তুম্মীমান বেবহার্ গুরিবার অধিকারী কনঅ ধর্মগুরু পাহ্ ন যায় সেদকদিন সং তারা যেনে দাঙর্ পবিত্র হানার্ কিজু ন হান।

ইষ্রা 2:63 ပူးပေါင်းရင်းမြစ်များ

ইষ্রা 2:64

বন্দীদযাত্তুন্ ফিরি এচ্চ্যে গোদা দল্লোর্ মানুচ্চুন এলাক্ বিয়াল্লিশ আজার্ তিনশ ষায়েট জন।

নহিমিয় 10:1

যিগুনে সিয়েন উগুরে সীলমহ্‌র দুয়োন্‌ তারা অলাক্কে হখলিয়োর্‌ পূঅ শাজন্‌গুরিয়্যে নহিমিয় আর সিদিকিয়,

নহিমিয় 10:2

সরায়, অসরিয়, যিরমিয়,

নহিমিয় 7:65

শাজন্‌গুরিয়্যেবো তারারে উগুম্‌ দিলো যেদকদিন সং ঊরীম আর তুম্মীম বেবহার গুরিবার অধিকারী কনঅ ধর্মগুরু পাহ্ ন-যায় সেদকদিন সং তারা যেনে সুদ্ধো-সাংগ হানার্‌ কিচ্ছু ন-পান্‌।

নহিমিয় 8:9

সে পরেন্দি শাজন্‌গুরিয়্যে নহিমিয়, ধর্মগুরু আর ধর্ম-মাস্টর্‌ ইষ্রা আর যে লেবীয়গুনে মানুচ্চুনোরে শিক্ষ্যে দেদন্‌ তারা বেক্‌ মানুচ্চুনোরে কলাক্কে, “এচ্ছ্যে এ দিন্নো তমার্‌ গোজেন্‌ লগেপ্রভুর নাঙে পবিত্র। তুমি আবিলেচ্‌ বা কানাকুদি ন-গুরিবা।” তে এ কধাগান কলঅ, কিত্যে মানুচ্চুনে বেক্কুনে রীদি-সুদোম কধানি শুনিনে কানদন্‌।

যাত্রা 28:30

বুগ্‌-ঢাগনিগানর্ ভাজঅ ভিদিরে থবে উরীম আর তুম্মীম। সেক্কে হারোণে যেক্কে লগেপ্রভুর্‌ মুজুঙোত্‌ আঝিল্ অবঅ‌ সেক্কে সিয়েনি তার্‌ বুগোত্‌ থেবঅ। সেক্কে হারোণে লগেপ্রভুর মুজুঙোত্‌ আমিঝে ইস্রায়েলীয়গুনোত্তেই মর্‌ উগুমানি জানিবার্‌ উপায় ইজেবে তার্‌ বুগোত্‌ রাগেব।

লেবীয় 2:10

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্‌ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ বাদবাগি ভাক্কান দাঙর্ পবিত্র জিনিস্।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 22:10

“ধর্মগুরুগুনোর্‌ পরিবারর্‌ মানুচ্‌ বাদে আর কনজনে উৎসর্ব গোজ্যে পবিত্র জিনিস্ হেই ন-পারিবাক্। ধর্মগুরুগুনোর্‌ কনঅ গর্বা বা কামগুরিয়েগুনে সিয়েন্‌ হেই ন-পারিবাক্।

লেবীয় 22:13

মাত্তর্‌ ধর্মগুরুবোর্‌ কনঅ রানিমিলে বা নেগে ছাড়ি দিয়্যে ভাজ্‌ ওইয়্যে মিলে যুনি বাবঅ ঘরত্‌ আগ ধোক্ক্যেন থেবাত্তে ফিরি এজে সালে তে তার্‌ বাবর্‌ খাইদে ভাক্কান্‌ পেবঅ। ধর্মগুরুর্‌ পরিবারর্‌ নয় এধোক্ক্যেন কনজনে সিয়েন্‌ হেই ন-পারিবাক্।

লেবীয় 6:17

সিয়েন্‌ যেন সদা মিজেয়ে সিক্যা ন-অয়। মর্‌ নাঙে আগুন্দোই‌-গোজ্যে উৎসর্বর্ জিনিজোর্ এ ভাক্কান্‌ মুই তারারে দিলুং। পাপ-উৎসর্ব আর দুষ-উৎসর্ব ধোক্ক্যেন শোজ্য-উৎসর্বর্ এ ভাক্কান্‌অ দাঙর্‌ পবিত্র জিনিস্।

লেবীয় 6:29

ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 7:16

এ উদোলোলি-উৎসর্ব যুনি কনঅ মান্যে ছিড়েবাত্তে গরা অয়্‌ অথবা উৎসর্ব গুরিয়্যেবো নিজোর্‌ আওজে সিয়েনি গরে ছালে সে উৎসর্বর য়েরাগান সেদিন্যে হা পুরিবো। যুনি কিজু বাগি থায়্‌ ছালে তার্‌ কেল্যেয়ো হেই পারিবো,

লেবীয় 8:8

তা উগুরে তে বুগ-ঢাগনিগান্‌ উরেই দিইনে তা ভিদিরে ঊরীম আর তুম্মীম রাগেল।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”

গণাণা 18:32

ইয়েনত্‌ তমার কনঅ দুষ্‌ ন-অবঅ, কিত্যে বেগত্তুন্‌ গম্‌ ভাক্কান্‌ তুমি লগেপ্রভুরে দুয়ো। সালে তুমি ইস্রায়েলীয়গুনোরে দিয়্যে সুদ্ধো-সাংগ জিনিস্‌-পাদিনি অসিজি গরানার্‌ দুজে দুষী ন-অবা আর তুমি মুরিয়ো ন-যেবা।”

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।