ইষ্রা 2:1 - Chakma Bible

¹ বাবিলর্ রাজা নবূখদ্‌‌‌‌নিৎসরে যিদুক্কুন মান্‌‌‌‌জ্যরে বন্দী গুরিনে বাবিলোত্ নেযেয়োন তারা ভিদিরে ভালোকজনে বন্দী অবস্থাত্তুন্ যিরূশালেম আর যিহূদাত্ নিজোর্ নিজোর্ শঅর্ আর আদামত্ ফিরি এচ্চোন।

ইষ্রা 2:1 ပူးပေါင်းရင်းမြစ်များ

২ রাজাবলী 25:11

শঅর বাদবাগি মানুচ্চুনোরে আর যিগুনে বাবিলো রাজার পক্ষে যেইয়োন্‌ তারারে বেক্কুনোরে রোক্ষ্যেদলর সেনাপতি নবূষরদনে বানি নেযেল,

১ বংশধর 9:1

“ইস্রায়েলীয় রাজাগুনোর্ বোই”-বোত্‌ বেক্‌ ইস্রায়েলীয়গুনো বংশর্-নাঙানি লেগা আঘে।

১ বংশধর 9:2

যিগুনে পত্তমে ফিরি এচ্ছ্যন্‌ নিজো শঅরত্‌ আর আদামত্‌ নিজো জাগা-জোমি উগুরে আরঅ বজত্তি গরানা আরাম্ভ গুরিলাক্‌ তারা অলাক্কে ধর্মগুরু, লেবীয়, তবনা-ঘরর্‌ সেবাগুরিয়্যে আর অন্য ইস্রায়েলীয়গুন।

ইষ্রা 1:11

যিয়েনত্ বেক্কানিয়ে পাঁচ আজার চের্‌‌‌‌শ সনা আর রূবোর জিনিস এলঅ। বন্দী অবস্থায় বিদেশত্ বজত্তিগুরিয়্যে মানুচ্চুনে যেক্কেনে বাবিলত্তুন্ যিরূশালেমত্ এলাক্ সেক্কে শেশ্‌‌‌‌বসরর্ এই বেক পযাপিরানি লগে গুরিনে আনিলো।

ইষ্রা 2:2

এই মানুচ্চুনে সরুব্বাবিল, যেশূয়, নহিমিয়, সরায়, রিয়েলায়, মর্দখয়, বিল্‌‌‌‌শন, মিসপর, বিগ্‌‌‌‌বয়, রহূম আর বানার সমারে ফিরি এচ্চ্যন। যিদুক্কুন ইস্রায়েলীয় মরদ্ ফিরি এচ্চ্যন্ তারার্ সোংখ্যেগুন এই:

ইষ্রা 2:70

ধর্মগুরুগুন, লেবীয়গুন, গানগেইয়্যেগুন, উবোসনা-ঘরর্ চুগিদারুন আর সেবাগুরিয়্যেগুন আর অন্য মানুচ্চুন্ অত্তাৎ বেক্ ইস্রায়েলীয়গুন যে যার্ আদামত্ আর শঅরত্ বজত্তি গরা ধুরিলাক।

ইষ্রা 5:8

মহারাজে যেনে হবর্ পায় যে, আমি যিহূদা রেজ্যত্ দাঙর্ গোজেনর্ ঘরত্ যেইয়্যেই। মানুচ্চুনে দাঙর্ দাঙর্ পাত্তরলোই ঘরান্ বানেয়োন আর দেবাল উগুরে বীম বজাদন্। অমকদ যত্তন্ গুরিনে কামান্ গরা অর্ আর সিয়েন ফলেদে ধোক্ক্যেন উজেই যার্।

ইষ্রা 6:2

ইয়েনত্ মাদীয় রেজ্যর্ অক্‌মথা নাঙে রাজধানীত্ এক্কান গুচ্চ্যেই রাগেয়্যে বোই পাহ্ গেলঅ। সিয়েনত্ এ কধাগান লেগা এলঅ: স্মারক লিপি

ইষ্রা 8:35

বন্দীদজাত্তুন্ ফিরি এচ্চ্যে মানুচ্চুনে ইস্রায়েলর গোজেনর্ নাঙে পুজ্যে-উৎসর্বর অনুষ্ঠান গুরিলাক্। তারা পুরো ইস্রায়েল জাদত্যে বারবো বলদ্, ছিয়েনব্বইবো ভেড়া, সাতাত্তুরবো ভেড়া ছঅ আর পাপ-উৎসর্বত্তে বারবো ছাগল দিলাক্। ইগুন বেক্কুন্ লগেপ্রভুর নাঙে পুজ্যে-উৎসর্ব ইজেবে দিয়্যে অলঅ।

নহিমিয় 12:1

যিদুক্কুন্‌ ধর্মগুরু আর লেবীয়গুনে শল্টীয়েলর পূঅ সরুব্বাবিল আর যেশূয়োর লগে বন্দীদজাত্তুন্‌ ফিরি এচ্ছ্যন্‌ তারা অলাক্‌: ধর্মগুরুগুনো ভিদিরে সরায়, যিরমিয়, ইষ্রা,

ইষ্টের 1:1

রাজা অহশ্বেরশে যেক্কেনে শূশনর্ তাম্বুলোত্‌ তার্‌ সিংহাসনত্‌ বজিনে রাজাগিরি গুরিদো সে অক্তত্‌ এ ঘটনাগান্‌ ঘোট্যে। ইবে সেই অহশ্বেরশ যিবে হিন্দুস্থানত্তুন্ কূশ দেজছান সং একশ সাতেশ্‌চান্ রেজ্য উগুরে রাজাগিরি গুরিদো।

ইষ্টের 1:3

তার্‌ রেজ্যর্‌ তিন বজরত্‌ তে তার্‌ বেক্‌ মানুচ্চুনোরে আর মুরব্বীগুনোত্তে এক্কো হানা দিলো। তারা ভিদিরে এলদে পারস্য আর মাদিয়া দেজর্‌ সেনাপতিগুনে, মুরুব্বীগুনোরে আর রেজ্যগানির্ দাঙর্‌ পোজিশনর্‌ মানুচ্চুনোরে।

ইষ্টের 1:8

রাজার উগুমে বাত্যেয়্যে পত্তিজনরে নিজোর্‌ আওজ্ মজিম্‌ সিয়েনি হেবার্‌ অনুমতি দিয়্যে ওইয়্যে, কিত্যে পত্তিজনে যেত্তমান্ চায় রাজা সেত্তমান্‌ গুরিনে ভাগ্‌ গুরি দিবাত্তে রাজঘরর্‌ বেক্‌ চাগরুনোরে উগুম্‌ দিলো।

ইষ্টের 8:9

সেই অক্তত্‌ তিন মাজত্‌, অত্তাৎ সীবন মাজর্ তেইশ দিনোত্‌ রাজার লিগিয়্যেগুনোরে ডাগা অলঅ। মর্দখয়র উগুম মজিম্ হিন্দুস্থানত্তুন্‌ কূশ সং একশঅ সাতেশ্‌সো চাগালার্ যিহূদীগুনোর, রেজ্যর্ আর চাগালার্ শাজন্‌গুরিয়্যেগুনোর আর দাঙর্‌ পোজিশনর্ কামগুরিয়্যেগুনো ইদু চিদি লেগা অলঅ। এ চিদিগান পত্তি চাগালার্ অক্ষর আর পত্তি জাদর্‌ ভাষা মজিম্ আহ্‌ যিহূদীগুনোর অক্ষর আর ভাষা অনুসারে লেগা অলঅ।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

আবিলেচ্ 1:3

দুঘ্ আর অমকদ কাম গরানার পরেদি যিহূদা দূরোত্ বন্দীদজাত্ যেইয়্যে। তে নানান্ জাদ ভিদিরে বজত্তি গোজ্যে; কনজাগাত্‌অ তে জিরেবার জাগা ন-পায়। যিগুনে তারে লোড়েয়োন্ তারা তার দুঘোত্ তারে ধুরি ফেল্যন্।

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

আবিলেচ্ 4:22

ও সিয়োন-ঝিবো, তঅ সাজাগান শেজ্ অবঅ; তে তরে আর্ বন্দীদজাত্ ফেলেই ন-রাগেব; মাত্তর্ ও ইদোম্-ঝিবো, তে তর্ অন্যেয়র সাজা দিবো আর তঅ পাপ্‌পানি ফগদাং গুরিবো।

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

প্রেরিত্‌ 23:34

আজল্ শাসন গুরিয়্যেবো চিধিগান্ পড়িনে পৌলে কুদুগোর্ মানুচ্‌ সিয়েন পুযোর্ গুরিলো। পৌলে যে কিলিকিয়া রেজ্যর্ মানুচ্‌ সে কধাগান্ কোই পারিনে তে কলঅ,