ইষ্রা 1:7 - Chakma Bible

^7-8 ইয়েনিবাদে নবূখদ্‌‌‌নিৎসরে লগেপ্রভুর ঘরর্ যেদক্কানি জিনিস যিরূশালেমত্তুন্ নেযেইনে তার্ দেবেদাবোর্ মন্দিরোত্ থোইয়্যে রাজা কোরসে সিয়েনি ধনভান্ডালর্ রোক্ষ্যেগুরিয়্যে মিত্রদাতরে দিইনে নিগিলেই আনিলো। মিত্রদাৎ এ সিয়েনি যিহূদার শাজন্‌‌‌গুরিয়্যে শেশ্‌‌‌বসর ইদু গুণি দিলো।

ইষ্রা 1:7 ပူးပေါင်းရင်းမြစ်များ

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

২ বংশধর 36:7

নবুখদ্‌নিৎসরে লগেপ্রভুর ঘরত্তুন্‌ পযাপিরানিয়ো বাবিলোত্‌ নেযেইনে তার্‌ মন্দিরোত্‌ রাগেল।

ইষ্রা 5:14

এমন কি, তে বাবিলোর্ মন্ডিরোত্তুন্ গোজেন ঘরর্ সেই বেক্ সনা আর রুবোর পিলেগুন নিগিলেই দিয়্যে যিগুন নবূখদ্‌নিৎসরে যিরূশালেমর্ উবোসনা-ঘরত্তুন্ নেযেয়্যে। রাজা কোরসে সিগুন তার্ নেযেয়্যে শাজন্‌গুরিয়্যে শেশ্‌বসরর আঢত্ দিয়্যে।

ইষ্রা 6:5

ইয়েনবাদে নবূখদ্‌‌নিৎসরে যিরূশালেমর্ উবোসনা-ঘরত্তুন্ যেদক্কানি সনা-রূবোর পিলে বাবিলোত্ নেযেয়োন সিয়েনিয়ো আরঅ গোজেনর্ ঘরত্ ঠিগ্ জাগাত্ রাগা ওক্।”

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।