ইষ্রা 1:1 - Chakma Bible

¹ যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:1 ပူးပေါင်းရင်းမြစ်များ

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

ইষ্রা 6:14

ভাববাদী হগয় আর ইদ্দোর বংশধর সখরিয় গোজেনর্ কধা মজিম্ উচ্চোমি দের্ আর তা সমারে সমারে যিহূদীগুনোর বুড়ো নেতাগুনে গাথনি কামান্ গমেডালে চালেই যাহ্ ধুরিলাক্। ইস্রায়েলর্ গোজেনর্ উগুম মজিম্ আর পারস্যের রাজা কোরস, দারিয়াবস আর অর্তক্ষস্তর উগুমে তারা উবোসনা-ঘরান্ বানেবার কামান্ থুম্ গুরিলাক্।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

ইষ্রা 6:3

রাজা কোরসর রাজাগিরির্ পত্তম বজরত্ যিরূশালেমর্ গোজেনর্ ঘর বেপারে তে এই উগুমান দিলো: “য়েমান উৎসর্গর জাগা ইজেবে উবোসনা ঘরান আরঅ বানা ওক্ আর সিয়েনর্ গড়াগান্ দরমরগুরি থিদেবর্ গরা ওক্। সিয়েন অবঅ ষায়েট আঢ্ অজল্ আর ষায়েট আঢ্ পাদাজ্যে।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

গীতসংহিতা 106:46

যিগুনে তারারে বান্ন্যন্ তারা ইদু তে তারারে দোয়্যে-মেয়্যেবলা বানেল।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিরমিয় 1:1

এই বেক্ কধানি হিল্কিয়র পুয়ো যিরমিয় কোইয়্যেদে। তে অলদে বিন্যামীন চাগালার অনাথোৎ আদামর্ ধর্মগুরুগুনো ভিদিরে একজন।

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিহিষ্কেল 38:5

তারা সমারে থেবঅ পারস্য, কূশ আর পূট দেজর্ সৈন্যগুন; তারা বেক্কুনে ঢালবলা আর মাঢাগুন রোক্ষ্যে গুরিবার টোক্ক্যে পিন্যে।

দানিয়েল 1:21

রাজা কোরসর রাজাগিরির পত্তম বজর্ সং দানিয়েলে রাজা কামত্ অদে অদে রলঅ।

দানিয়েল 2:1

নবূখদ্‌নিৎসরর্ রাজাগিরির্ দ্বিবজরত্ তে স্ববন দেগিলো; সেক্কে তা মনান্ থিদেনেইয়্যে অলঅ, তে ঘুম যেই ন-পারিলো।

দানিয়েল 6:25

ইয়েনর পরেদি রাজা দারিয়াবসে বেক জাদর্, দেজর আর ভাষার মানুচ্চুনো ইধু এ কধাগান লিগিলো: তমার জদবদে ভালেদি ওক্ !

যোহন 1:23

যোহনে কলঅ, “মুয়ই সেই রবুয়ো, যিবে পৌইদ্যেনে ভাববাদী যিশাইয় কোইয়্যে, ধূল্যেচর-চাগালাত্ একজন রঅ দাঙর্ গুরিনে কত্তে, তুমি প্রভুর্ পথতান্ উজু গরঅ।”