যিহিষ্কেল 9:9 - Chakma Bible

⁹ তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

যিহিষ্কেল 9:9 ပူးပေါင်းရင်းမြစ်များ

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

ইয়োব 22:13

তো তুই কত্তে, গোজেনে কি হবর্‌ পায়? এ আন্ধার ভিদিরে গোজেনে কেধোক্ক্যেন্ গুরিনে বিচের্‌ গরে?

গীতসংহিতা 10:11

তে মনে মনে কয়, “ইন্দি গোজেনর্ খিয়েল্ নেই; তে মুয়োন্ ফিরেই আঘে, কনদিন্‌‌অ ন-দেগিবো।”

গীতসংহিতা 94:7

তারা কদন্দে, “ইন্দি লগেপ্রভুর চোগ্ নেই; যাকোবর গোজেনে খিয়েল্ ন-গরে।”

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিরমিয় 2:34

তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

যিহিষ্কেল 8:12

তে মরে কলঅ, “ও মান্‌‌জ্যর পুয়োবো, ইস্রায়েলীয়গুনোর বুড়ো নেতাগুনে আন্ধারত্ পত্তিজনে নিজোর্ নিজোর্ ঘরত্ মূত্তিগুনো ইধু কি গত্তন্ সিয়েন কি তুমি বুঝি পাজ্য? তারা কদন্, ‘লগেপ্রভু আমারে ন-দেগে, কিত্যে তে দেজ্‌‌‌চান ছাড়ি যেয়েগোই।’”

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

লূকে লেখ্যে গম্ হবর্ 11:50

ইয়েনর্ ফল অলঅ, সংসারান্ সৃট্টির সময়োত্তুন্ ধুরি আরাম্ভ গুরিনে যেদক্‌‌জন ভাববাদীরে খুন্ গরা ওইয়্যে, তারার্ লো-গানির্ দায়ী অবাক্ এ কালর্ মানুচ্চুনে।

দ্বি’লম্বর বিররণ 31:29

মুই হবর্‌ পাংগে যে, মর্‌ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্‌ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্‌ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্‌তোই বানেয়্যে মূত্তিলোই তুমি তারে অখুজি গুরিবা।”

দ্বি’লম্বর বিররণ 32:5

তা উগুরে তার মানুচ্চুনে ভান্ন্যেই বেবহার গোজ্যন্‌। তারার মনর্ কুজুরোমিত্যেই সিগুনে আর তার পূঅ নয়।