যিহিষ্কেল 9:4 - Chakma Bible

⁴ তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

যিহিষ্কেল 9:4 ပူးပေါင်းရင်းမြစ်များ

পত্থম 4:15

সেক্কে লগেপ্রভু তারে কলঅ, “সালে যে তরে খুন গুরিবো তাহ্ উগুরে সাতগুন হেনা সুজো অবঅ।” ইয়েন কোইনে লগেপ্রভু কয়িনত্যে এন্‌ এক্কান চিহ্নোর সুদোম গুরিলো যেনে কনজনে তারে আঢত্‌ পেইনেয়ো খুন্‌ ন-গরন।

২ রাজাবলী 22:13

“ইবে যে বোইবো পাহ্ যেইয়্যে সিবে ভিদিরে যেদক্কানি কধা লেগা আঘে সে কধানি পৌইদ্যেনে তুমি যেইনে মত্তে আর এ জাগানর্‌ আহ্ বেক্‌ যিহূদার মানুচ্চুনোত্তে লগেপ্রভু ইদু পুযোর্‌ গরঅ। লগেপ্রভু আমা বিরুদ্ধে রাগ আগুনে জুলি উঠ্যে, কিত্তে আমা পূরোণি মানুচ্চুনে এ বোইবো কধামজিম্‌ ন-চলন্‌ আর পালেবাত্তে যেদক্কানি কধা সিয়োত্‌ লেগা আঘে সে ইজেবে তারা কাম্‌ ন-গরন্‌।”

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 119:53

পাজি মানুচ্চুনোর পাজিগানি দেগিলে অমকদ মত্তুন্ রাগ লাগে; তারা দঅ তর্ উগুমানি বাদ দুয়োন।

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

যাত্রা 12:23

মিসরীয়গুনোরে আঘাত্‌ গুরিবার লক্কে লগেপ্রভু যেক্কে মিসর দেজ ভিদিরেদি যেবঅ সেক্কে তমা দোরান তক্তানিত্‌ লো দেগিনে তে তমা দোরান বাদ্‌ দিইনে উজেই যেবঅ। যিবে এ ভস্তর্‌ কামান্‌ গুরিবো তারে তে তমা ঘরত্‌ সোমেইনে তমারে আঘাত গুরিবাত্তে ন-দিবো।

যাত্রা 12:7

সে পরেদি যেদক্কানি ঘরত্‌ তারা সেই ভেড়া ছাগল এরানি হেবাক্‌ সে বেক্‌ ঘরানির দোরান তক্তানির্‌ দ্বিদাগেদি আর উগুরেদি কিজু লো নেযেইনে লিবি দিবাক্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিহিষ্কেল 21:6

“সেনত্তে ও মান্‌‌‌‌‌জ্যর পুয়োবো, তুই ভঅ নিজেস্ ফেলা, মন মরা আর অমকদ দুঘে তারা মুজুঙোত্ ভঅ নিজেস্ ফেলা।

যিহিষ্কেল 6:11

সে পরেদি প্রভু লগেপ্রভু মরে কোইয়্যেদে, তুই আঢত্ আঢ্ দিইনে আর মাদিত্ টেঙ্ দিইনে জোরে আঘাত্ গর্ আর ইস্রায়েল জাদর্ বেক ভান্ন্যেই আর জঘন্য কামানিত্তে জোরে জোরে হাহাকার গর্, কিত্যে তারা যুদ্ধোত্,ভাদরাদে আর ভানালোই মুরিবাক্।

যিহিষ্কেল 9:5

সে পরেদি মুই শুনিলুং তে সেই ছয়জনরে কত্তে, “তুমি শঅর ভিদিরে তা পিজে পিজে যঅ আর কনঅ মেয়্যে দোয়্যে ন-দেগেইনে মানুচ্চুনোরে মারে ফেলঅ, কাররে রেহাই ন-দুয়ো।

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

সফনিয় 3:18

লগেপ্রভু কত্তে, “ঠিগ্ পরব্‌পুন পালেই ন-পারিনে তর্ যে মানুচ্চুনে দুঘ্ গোজ্যন তারারে মুই এগত্তর্ গুরিম। তারা দঅ অসর্মানর বুধি বুয়োদন্।‌‌

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 9:4

সিগুনোরে কুয়ো অলঅ তারা যেন পিত্‌থিমীর কনঅ ঘাস বা য়্যেল্ কনঅ কিজু বা কনঅ গাজর্ ক্ষোতি ন-গরন; বানা যে মানুচ্চুনোর কবালত্ গোজেনর্ সীলমহ্‌র নেই তারারে ক্ষোতি গরন্।