যিহিষ্কেল 9:2 - Chakma Bible

² উত্তোরেদি অজল্ জাগানর্ গেদো ইন্দিত্তুন্ মুই ছয়জন মান্‌‌‌জ্যরে এত্তে দেগিলুং; পত্তিজন আঢত্ ভস্তগরেদে আত্যের্ এলঅ। তারা সমারে এলদে মসীনার কাবড় উজ্যে এক্কো মানুচ্ আর তা কমর ইধু এলঅ লেগেদে জিনিস। তারা ভিদিরে সোমেইনে পিদল পূজোবো কায়কুরে থিয়্যেলাক্। ‌‌‌

যিহিষ্কেল 9:2 ပူးပေါင်းရင်းမြစ်များ

২ রাজাবলী 15:35

মাত্তর্‌ উবোসনা অজল্‌ জাগায়ানি তে ভস্ত ন-গরে। মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌। যোথমে লগেপ্রভুর ঘরর্‌ চেরোকিত্তে দেবাল অজল্‌ জাগায়ানির গেট্টুন্‌ সোর্‌গরা ধুরিলো।

২ বংশধর 27:3

যোথমে লগেপ্রভুর ঘরর্‌ অজল্‌ জাগান গেট্টো ঠিগ্‌ গোজ্যে আর ওফল মুড়োবোর্‌ দেবালর্‌ ভালোক্কানি জাগা দরমর গুরিলো।

২ বংশধর 4:1

শলোমনে কুড়ি আত্‌ লাম্বা, কুড়ি আত্‌ পাদাজ্যে আর দশ আত্‌ অজল্‌ এক্কো পিদোল ডালিপূজো বানেল।

যাত্রা 40:29

থেবার্‌-তাম্বুলর, অত্তাৎ মিলন-তাম্বুলর্ দোরান ইদু তে পূজ্যে-উৎসর্বর ডালিপূজোবো রাগেল আর লগেপ্রভুর্‌ উগুম মজিম্ তে সিবে উগুরে পূজ্যে-উৎসর্বর আর শোজ্য-উৎসর্বর অনুষ্ঠান গুরিলো।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 26:10

যিহূদার রাজকর্মচারীগুনে এ কধানি শুনিনে রাজঘরত্তুন্ লগেপ্রভুর ঘরত্ এলাক্ আর লগেপ্রভুর ঘরর নূয়ো গেদোত্ সুমিবার পথ্‌তানত্ বুজিলাক্।

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

যিহিষ্কেল 9:11

যেরেদি মসীনার কাবড় উজ্যে সেই মানুচ্চো ফিরি এইনে এ হবরান্ দিলো, “মুই তর্ উগুম মজিম্ কাম্ গোজ্যং।”

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

দানিয়েল 12:6

মসীনার কাবড়-উজ্যে যিবে গাঙ পানি উগুরে এলঅ তারে সেই দ্বিজন ভিদিরে একজনে কলঅ, “এই বেক্ আমক্ অবার বেপারানি শেজ্ অদে কয়দিন লাগিবো?”

লেবীয় 16:4

তার্‌ কিয়্যেত্ থেবঅ পবিত্র মসীনার সুলুম্‌ আর তলেন্দি থেবঅ মসীনা কাবড়র্‌ বানেইয়্যে জাংগি। তাত্তুন্‌ মসীনা কাবড়র্‌ কমর্‌-বিজোনী কমরত্‌ বানা পুরিবো আর মাদাত্‌ দিয়্যে পুরিবো মসীনা কাবড়র্‌ কবঙান্‌। ইয়েনি পবিত্র পোজাক্। সিয়েনি উরিবার আগেদি তাত্তুন্‌ পানিলোই গাদা পুরিবো।

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

ফগদাং পেইয়্যে 15:6

সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।