যিহিষ্কেল 9:10 - Chakma Bible

¹⁰ সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

যিহিষ্কেল 9:10 ပူးပေါင်းရင်းမြစ်များ

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

২ বংশধর 6:23

সালে তুই স্বর্গত্তুন্‌ সে কধানি শুনিজ্‌ আর সেধোক্ক্যেন গুরিনে কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষচান কামর্‌ ফলান্‌ তারে চাপি দিইনে তারে দুযি বিলিনে প্রমান গুরিচ্‌ আর নিদ্দুজিবোরে তার্‌ কাম্‌ মজিম ফল দিইনে তারে নিদ্দুযি বিলিনে প্রমান গুরিচ্‌।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

যিশাইয় 65:6

“চঅ, তারা কধানি মঅ মুজুঙোত্ লেগা আঘে। মুই জুরো গুরি ন-থেম্ বরং তারার পাওনা সাজা তারারে দিম্। মুই তারার আর তারার পুরোণি মানুচ্চুনোর্ পাপত্তে তারারে দায়ী গুরিম। তারা মুড়ো-মুড়িত্ আগর্‌বাট্টি জ্বালেয়োন আর সিদু মরে এলাফেলা গোজ্যন্; সেনত্তে মুই তারার আগ কামর্ পাওনা সাজা তারারে মাবি দিম্।”

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 17:19

“‘মুই প্রভু লগেপ্রভু মর্ জিংকানির নাঙে কঙর্, তে মঅ নাঙে শমক্ গুরিনে সিয়েনি ঈচ্ গোজ্যে আর অধীনতার চুক্তিগান ভাঙে বিলিনে তা ফল মুই তারে দিম।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 23:49

তমার্ ভান্ন্যেই কামর্ ফল তমাত্তুন্ ভুগো পুরিবো আর মূত্তিপূজোর্ পাপর ফল ভুগো পুরিবো। সেক্কে তুমি হবর্ পেবা, মুয়ই প্রভু লগেপ্রভু।”

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 7:3

ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 7:4

মুই তঅ ইন্দি মেয়্যেলি চোগে রিনি ন-চেম্ বা তরে রেহাইঅ ন-দিম্; তর্ চালচলন আর তঅ ভিদিরে জঘন্য কামানিত্তে মুই ঘেচ্চেকগুরি তরে সাজা দিম্। সেক্কে তুই হবর্ পেবেদে, মুয়ই লগেপ্রভু।’”

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যিহিষ্কেল 9:11

যেরেদি মসীনার কাবড় উজ্যে সেই মানুচ্চো ফিরি এইনে এ হবরান্ দিলো, “মুই তর্ উগুম মজিম্ কাম্ গোজ্যং।”

যিহিষ্কেল 9:5

সে পরেদি মুই শুনিলুং তে সেই ছয়জনরে কত্তে, “তুমি শঅর ভিদিরে তা পিজে পিজে যঅ আর কনঅ মেয়্যে দোয়্যে ন-দেগেইনে মানুচ্চুনোরে মারে ফেলঅ, কাররে রেহাই ন-দুয়ো।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”