যিহিষ্কেল 8:9 - Chakma Bible

⁹ তে মরে কলঅ, “তুই ভিদিরে যেইনে তারা সিয়েনত্ যেদক্কানি ভান্ন্যেই আর জঘন্য কাম্ গোজ্যন সিয়েনি চঅ।”

যিহিষ্কেল 8:9 ပူးပေါင်းရင်းမြစ်များ

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 8:10

সেনত্তে মুই ভিদিরে যেইনে রিনি চেলুং আর দেবালর্ বেক্ জাগানিত্ নানান্ বাবোত্যে বুগেদি-আঢি বেড়েয়্যে প্রাণি আর অসিজি এ্যামানর চেঙেরা আর ইস্রায়েলীয়গুনোর বেক মূত্তির চেঙারানি খোদাই গরা আগেদে দেগিলুং।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

যিহিষ্কেল 8:8

তে মরে কলঅ, “ও মান্‌‌‌‌‌জ্যর পুয়োবো, দেবালর্ সেই গাদ্‌‌‌‌‌তো আর দাঙর্ গর্।” সেনত্তে মুই সে গাদ্‌‌‌‌‌‌তো আর দাঙর্ গুরিলুং আর সিয়েনত্ এক্কান দুয়োর্ দেগিলুং।