যিহিষ্কেল 8:3 - Chakma Bible

³ তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

যিহিষ্কেল 8:3 ပူးပေါင်းရင်းမြစ်များ

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

২ রাজাবলী 16:14

তে লগেপ্রভুর মুজুঙোত্‌ রাগেয়্যে পিদোল পূজোবো লগেপ্রভুর ঘর আর নূয়া পূজোবো সংমোধ্যেত্তুন্‌ সোরেই আনিনে নূয়া পূজোবো উত্তোরেন্দি রাগেল।

২ রাজাবলী 2:16

“চাহ্, আমি ইয়োত্‌ তর্‌ পঞ্চাশজন বোলী চাগর্‌ আগিই; আমি যেইনে তঅ গিরোজ্‌সোরে তোগেই চেই। লগেপ্রভুর আত্মাগানে অয়ত তারে তুলি নেযেইনে কনঅ মুড়ো-মুড়িত্‌ বা কনঅ কিজিঙোত্‌ লামে রাগেয়্যে।” ইলীশায় কলঅ, “না, নঅ-যেয়ো।”

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

গীতসংহিতা 78:58

তারা মুড়ো উগুরে ডালিবাজা দিইনে তারে অখুজি গোজ্যন্; বানেয়্যে মুত্তি পূজো গুরিনে তা পাইদে ভক্তির আওজ্‌ছান বাড়েই দুয়োন।

যাত্রা 20:4

পূজো গুরিবার্‌ নাঙে তুমি কনঅ‌ মূত্তি ন-বানেবা, সিবে আগাজর্‌ কনকিজু ধোক্ক্যেন ওক্‌ বা মাদি উগুরে কনঅ‌ কিজু ধোক্ক্যেন ওক্‌ বা পানি ভিদিরেত্তুন্‌ কনঅ কিজু ধোক্ক্যেন ওক্।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 34:14

তুমি কনঅ‌ দেবেদার্‌ উবোসনা ন-গুরিবা, কিত্তে লগেপ্রভুর্‌ নাঙান্‌ অলঅ পাইদে ভোক্তি পেবার্‌ আওজি গোজেন; তে তার্‌ পাইদে ভোক্তিগানি চায়্‌।

যিরমিয় 32:34

মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 10:3

সেক্কে করূব্‌‌‍‌পুনে উবোসনা ঘরর্ দোগিণেদি থিয়্যেই এলাক্, আর ভিদিরে উদোনান্ মেঘে ভুরি গেলঅ।

যিহিষ্কেল 11:1

সে পরেদি লগেপ্রভুর আত্মাগানে মরে তুলি নিইনে উবোসনা-ঘরর্ পূগেদি গেদো ইধু আনিলো। সিয়েনত্ গেদোত্ সোমেবার পদথ্ পোজোচ্‌জন মরদ এলাক্, আর মুই তারা ভিদিরে অসূরর পুয়ো যাসনিয় আর বনায়র পুয়ো প্লটিয়রে দেগিলুং; তারা এলাক্ মানুচ্চুনোর নেতা।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 2:9

সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই।

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 37:1

লগেপ্রভুর আঢ্‌‌‌তানি মঅ উগুরে এলঅ আর তে তার্ আত্মালোই মরে নেযেইনে এক্কো কলগর্ সংমোধ্যে রাগেল; জাগায়ান আড়্‌‌‌গোড়ালোই ভরা এলঅ।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 43:5

সেক্কে লগেপ্রভুর আত্মাগানে মরে তুলিনে ভিদিরে উদোনত্ নেযেল, আর লগেপ্রভুর মহিমালোই উবোসনা-ঘরান ভুরি গেলঅ।

যিহিষ্কেল 43:8

তারা মঅ ঘরর্ কায়কুরে তারার্ ঘরানি বানেয়োন; তারা ঘরানি আর মঅ ঘরানি মোধ্যে বানা এক্কান দেবাল এলঅ। তারার জঘন্য কামানিলোই তারা মঅ পবিত্র নাঙান্ কলংকিত গোজ্যন্। সেনত্তে মুই রাগে তারারে ভস্ত গোজ্যং।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 7:20

তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

যিহিষ্কেল 8:5

তে মরে কলঅ, “ও মান্‌‌জ্যর পুয়োবো, তুই উত্তোরেদি রিনি চাহ্।” সেনত্তে মুই সিন্দি রিনি চেলুং আর পূজোবোর্ গেদোত, অত্তাৎ উত্তোরেদি গেদোত্ সোমেবার পথ্‌‌‌তানত্ মুই সেই মূত্তিবোরে দেগিলুং।

যিহিষ্কেল 9:2

উত্তোরেদি অজল্ জাগানর্ গেদো ইন্দিত্তুন্ মুই ছয়জন মান্‌‌‌জ্যরে এত্তে দেগিলুং; পত্তিজন আঢত্ ভস্তগরেদে আত্যের্ এলঅ। তারা সমারে এলদে মসীনার কাবড় উজ্যে এক্কো মানুচ্ আর তা কমর ইধু এলঅ লেগেদে জিনিস। তারা ভিদিরে সোমেইনে পিদল পূজোবো কায়কুরে থিয়্যেলাক্। ‌‌‌

দানিয়েল 10:10

সেক্কে এক্কান আঢে মরে ধুরি মরে দ্বিআঢে আর আদু উগুরে ভর্ গুরি দিলো।

দানিয়েল 10:18

সেক্কে মান্‌‌‌‌‌জ্য ধোক্ক্যেন দেগদে সেই স্বর্গদূত্তো আরঅ মরে ধুরিলো আর মরে বল্ দিলো।

দানিয়েল 5:5

সেক্কে অাদিক্ক্যেন্‌গুরি মান্‌‌‌‌‌‌‌জ্যর এক্কান আত্ এইনে রাজঘর ভিদিরে চেরাগ টগ কায়-কুরে দেবাল উগুরে লেগা ধুরিলো। লেগিবার অক্তত্ রাজা সে আঢ্‌‌‌‌‌‌‌তান দেগিলো।

প্রেরিত্‌ 8:39

যেক্কে তারা পানিত্তুন্ উদি এলাক্ সেক্কে প্রভুর আত্মাগানে আদিক্ক্যে গুরি ফিলিপরে নেযেল। সেই চাগর্‌বো আর তারে ন-দেগিলো। সেক্কে তে ফুত্তি গত্তে গত্তে ঘর পধেদি গেলঅ।

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।

দ্বি’লম্বর বিররণ 6:15

কিত্যে তমা ভিদিরে তমার্‌ যে গোজেন লগেপ্রভু আঘে তে তার্‌ পাওনা ভোক্তি পৌইদ্যেনে অমকদ খুজি; দেব-দেবেদাগুনোর্‌ পিজেন্দি গেলে তমার বিরুদ্ধে তার্‌ রাগর্‌ আগুনান্‌ জুলি উদিবো, আর তে পিত্‌থিমীগান উগুরেত্তুন্‌ তমারে ভস্ত গুরি ফেলেব।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।