যিহিষ্কেল 8:17 - Chakma Bible

¹⁷ তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

যিহিষ্কেল 8:17 ပူးပေါင်းရင်းမြစ်များ

পত্থম 6:11

সে সলাবোত্‌ গোজেন ইধু গোদা সংসারান পাপর্‌ পজাবাজে আর অত্যেচার-অবিচারে ভরা এলঅ।

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

যিহিষ্কেল 11:6

তুমি এ শঅরত্ বোউত্ মান্‌‌‌‌জ্যরে মারে ফেলেয়ো আর মরা মানুচ্চোই পথ্‌‌‌‌তানি ভোরেই ফেলেয়ো।

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

যিহিষ্কেল 18:12

তে নাঢা আর অভাবীগুনোরে অত্যেচার গরে। তে চুর্ গরে আর বন্ধগী জিনিস্‌‌চানি ফিরেই ন-দে। তে মূত্তিপূজো গরে আর জঘন্য কাম্ গরে।

যিহিষ্কেল 23:25

মর্ মনর্ জ্বালা মুই তঅ বিরুদ্ধে কামত্ লাগেম বিলিনে তারা অমকদ রাগ গুরিনে তল্লোই বেবহার গুরিবাক্। তারা তর্ নাগ-কান কাবি দিবাক্ আর তর্ বাদবাগি মানুচ্চুনোরে মারে ফেলেবাক্। তারা তঅ ঝি-পুয়োগুনোরে নেযেবাক্, আর তর্ বাদবাগি মানুচ্চুন আগুনোত্ পুড়ি মুরিবাক্।

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

যিহিষ্কেল 45:9

ও ইস্রায়েলর শাজন্‌গুরিয়্যেগুন, মুই প্রভু লগেপ্রভু কঙর্, যদেষ্ট ওইয়্যে। ইক্কিনে জোর্ জবরদস্তি আর অত্যেচার গরানা ছাড়ি দিইনে তুমি ন্যায় আর গম্ কাম গরঅ। মঅ মানুচ্চুনোর জাগা তমা গজগত্ নেযানা বন্ধ গরঅ।

যিহিষ্কেল 7:11

অত্যেচারর্ লুদিক্কোই অন্যেয়গুরিয়্যেগুনোরে সাজা দিয়্যে অবঅ। তারা জনেদি ভালোক্কুন্ অলেয়ো কনজন ন-থেবাক্, তারার্ ধন-সম্পদ বা বাঈনী গরানা কিচ্চু ন-থেবঅ।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

সফনিয় 1:9

যিগুনে ফাল্যেনে চৌকাঠ পার্ অন আর অত্যেচার আহ্ ছলনালোই তারার্ দেবেদাগুনোর্ ঘরানি ফেলেং ফেলেং গরন্ সেদিন্যে মুই তারারে সাজা দিম।”