যিহিষ্কেল 8:10 - Chakma Bible

¹⁰ সেনত্তে মুই ভিদিরে যেইনে রিনি চেলুং আর দেবালর্ বেক্ জাগানিত্ নানান্ বাবোত্যে বুগেদি-আঢি বেড়েয়্যে প্রাণি আর অসিজি এ্যামানর চেঙেরা আর ইস্রায়েলীয়গুনোর বেক মূত্তির চেঙারানি খোদাই গরা আগেদে দেগিলুং।

যিহিষ্কেল 8:10 ပူးပေါင်းရင်းမြစ်များ

যাত্রা 20:4

পূজো গুরিবার্‌ নাঙে তুমি কনঅ‌ মূত্তি ন-বানেবা, সিবে আগাজর্‌ কনকিজু ধোক্ক্যেন ওক্‌ বা মাদি উগুরে কনঅ‌ কিজু ধোক্ক্যেন ওক্‌ বা পানি ভিদিরেত্তুন্‌ কনঅ কিজু ধোক্ক্যেন ওক্।

যিশাইয় 44:13

গাজ মিস্ত্রী সুদোলোই মাবে আর কলম্বোই নক্‌শা বানাই; তে মিশিন্দোই কাবিনে বানায় আর কমপাস্‌ছোই সিয়েন সাইজ্‌চান ঠিগ্ গরে। তে সিয়েনত্ এক্কো দোল্ মান্‌জ্য সাইজ দে যেন সিবে ঘর ভিদিরে রাগেই পারে।

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিরমিয় 44:21

“যিহূদার আদাম আর শঅরানিত্ আর যিরূশালেমর পধে পধে তুমি আর তমা পুরোণি মানুচ্চুনে, তমা রাজাগুনে আর রাজার চাগরুনে আর দেজর্ অন্য মানুচ্চুনে যে আগর্‌বাট্টি জ্বালেদাক্ সিয়েনি কি লগেপ্রভুর মনত্ ন-পড়ে আর সে পৌইদ্যেনে কি তে চিদে ন-গরে?

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিহিষ্কেল 11:12

সেক্কে তুমি হবর্ পেবা যে, মুয়ই লগেপ্রভু। তুমি মর্ সুদোম্ মজিম্ ন-চলঅ বা মর্ রীদি-সুদোমানিয়ো ন-পালঅ বরং তমা চেরোকিত্তে জাদ্‌তুনো সুদোম্ মজিম্ চোল্য।’”

যিহিষ্কেল 23:14

মাত্তর্ অহলীবা তা বেশ্যেগিরিত্ আরঅ উজেই গেলঅ। তে দেবাল উগুরে রাঙা রঙয়র্ ছাবেয়্যে বাবিলীয় মরত্তুনোর্ ফোতুগুন্ দেগিলো।

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

যিহিষ্কেল 8:9

তে মরে কলঅ, “তুই ভিদিরে যেইনে তারা সিয়েনত্ যেদক্কানি ভান্ন্যেই আর জঘন্য কাম্ গোজ্যন সিয়েনি চঅ।”

রোমীয় 1:23

উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

দ্বি’লম্বর বিররণ 14:3

তুমি কনঅ ঘিনাইদে জিনিস ন-হেবা।

দ্বি’লম্বর বিররণ 4:16

যেনে তুমি ভান্ন্যেই পদথ্‌ যেইনে পূজোর্‌ নাঙে কনঅ মূত্তি ন-বানঅ বা কনঅ চেঙেরার্‌ মূত্তি ন বানঅ-সিবে মরদর্‌ বা মিলের্‌ ওক্‌,

দ্বি’লম্বর বিররণ 4:18

বুক্কোই আদি বেড়েয়্যে কনঅ প্রাণীর বা পানিত্‌ তলে কনঅ মাছর ওক্‌।

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 4:25

তুমি আর তমার বংশধরুনে সে দেজত্‌ ভালোক্‌ দিন বজত্তি গরানার্‌ পরেন্দি যেক্কে তুমি ভান্ন্যেই পদথ্‌ যেইনে পূজোত্তে মূত্তি বানেবা আর তমার গোজেন লগেপ্রভুর চোগেদি যিয়েনি ভান্ন্যেই সিয়েনি গুরিনে তারে অখুজি গুরিবা,