যিহিষ্কেল 7:8 - Chakma Bible

⁸ মুই যাদিমাদি তমা উগুরে মঅ রাগ্‌‌‌‌‌কান পুরোপুরি ঢালি দিম্। তমা চালচলন মজিম্ মুই তমারে বিচের্ গুরিম আর তমার্ বেক জঘন্য কামানিত্তে সাজা দিম।

যিহিষ্কেল 7:8 ပူးပေါင်းရင်းမြစ်များ

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

গীতসংহিতা 79:6

যিগুনে তরে মানি ন-নেযান্ সেই জাদ্‌তুনো উগুরে তঅ রাগ্‌কান ঢালি দে, ঢালি দে সে রেজ্যগানি উগুরে যিগুনে তরে তর্ যোগাজ্যে সর্মান ন-দুয়োন্;

যিশাইয় 42:25

সেনত্তে তে তার জোল্‌‌‌‌জোল্যে রাগ্‌কান আর যুদ্ধোর দর্‌‌‌‌গরেপারাগান্ ইস্রায়েল উগুরে ঢালি দিয়্যে। সেক্কে সেই আগুনানে সিয়েনর্ চেরোকিত্তে জ্বুলি উদিলো, তো তে বুঝি ন-পারিলো; আগুনান্ তা কিয়্যেত্ বাঁজিলো, মাত্তর্ সিয়েনত্ তে মনান্ ন-দিলো।

যিরমিয় 36:31

মুই তর্ আর তঅ ঝি-পুয়োগুনোর আর তঅ চাগরুনোর ভান্ন্যেই কামানিত্তে তমারে সাজা দিম; মুই তমা বিরুদ্ধে যেদক্কানি দজার্ কধা কোইয়োং সিয়েনি বেক্কানি তমা উগুরে আর যিরূশালেম আর যিহূদা মানুচ্চুনো উগুরে আনিম, কিত্তে তুমি কধা ন-শুনো।’ ”

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

আবিলেচ্ 2:4

শত্রু ধোক্ক্যেন্‌গুরি তে তার্ ধনুগান টান্যে, তার্ খেমতাবলা আঢ্‌তানি ঠিগ্ গোজ্যে। যিগুনোরে দেগিনে তারা হুজি অদাক্ তারারে তে মারে ফেলেয়্যে। সিয়োন-ঝিবোর্ তাম্বুলো ভিদিরে তে আগুনো ধোক্ক্যেন্‌গুরি তা রাগ্‌কান ঢালি দিয়্যে।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 14:19

আরঅ ধর, মুই সেই দেজ ভিদিরে ভানা পাধেলুং আর সিয়েনর মানুচ্ আহ্ এ্যামানুনোরে মারে ফেলানার মাধ্যমে মঅ রাগকান্ সিয়েন উগুরে ঢালি দিলুং।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 18:30

“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

যিহিষ্কেল 20:33

মুই প্রভু লগেপ্রভু মর্ জিংকানির নাঙে কঙর্, মর্ খেমতাবলা আঢ্‌‌‌তানি বাবেইনে রাগে মুই তমা উগুরে রাজাগিরি গুরিম।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 30:15

মুই মিসরর ঘর সীন শঅর উগুরে মর্ রাগ্‌‌‌‌‌কান ঢালি দিম আর নো শঅরর্ বেক মানুচ্চুনোরে ছাজি ফেলেই দিম।

যিহিষ্কেল 33:20

তো ও ইস্রায়েলীয়গুন, তুমি কোই থাগ, ‘লগেপ্রভুর পথ্‌‌‌‌‌‌‌তান ঠিগ্ নয়।’ তুমি যেবাবোত্যেগুরি চলর্ সেই মজিম্ মুই তমা পত্তিজনরে বিচের্ গুরিম।”

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

যিহিষ্কেল 7:27

রাজা আবিলেচ্ গুরিবো, রাজপুরুষ্‌‌চো আমক্ অবঅ, আর দেজ মানুচ্চুনোর আঢ্‌‌তানি গির্‌‌গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”

যিহিষ্কেল 7:9

মুই মেয়্যেলি চোগেদি তমা ইন্দি রিনি ন-চেম্ বা তমারে রেহাইঅ ন-দিম্; তমার চালচলনানি আর তমা ভিদিরে জঘন্য কামর্ পাওনাগানি মুই তমারে দিম্। সেক্কে তুমি হবর্ পেবা যে, মুই লগেপ্রভু আঘাত্ গরং।

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

যিহিষ্কেল 9:8

মুই সেক্কে উবোসনা-ঘরত্ গায় গায় এলুং। সে অক্তত্ মুই মাঢা নিগিরি পড়িনে আবেগ সমারে কলুং, “হায়, প্রভু লগেপ্রভু! যিরূশালেম উগুরে তঅ রাগ্‌‌‌‌কান ঢালি দিইনে তুই কি ইস্রায়েলর বাদবাগি বেক্কুনোরে ভস্ত গুরি ফেলেবে?”

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

হোশেয় 12:3

পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে।

হোশেয় 5:10

যিগুনে দেজ দুযি পাত্তরুন সরান্ যিহূদার নেতাগুনে তারা ধোক্ক্যেন। মঅ রাগ্‌‌‌কান মুই বান পানি ধোক্ক্যেন তারা উগুরে ঢালি দিম।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।