যিহিষ্কেল 7:7 - Chakma Bible

⁷ তুমি যিগুনে দেজত্ বজত্তি গরর্ তমা উগুরে সর্বনাশ এজের্। সময় ওইয়্যে, দিন কাজেয়্যে; সেক্কে মুড়ো-মুড়ি উগুরে হুজির্ বদলে দর্‌‌‌‌গরেপারা কিজিক্ কাজাক্ অবঅ।

যিহিষ্কেল 7:7 ပူးပေါင်းရင်းမြစ်များ

পত্থম 19:15

পহ্‌র অনার্‌ পরেদি সে স্বর্গদূত্তুনে লোটরে ইজিরে দিইনে কলাক্‌, যাদি গর্‌। তর্‌ মোক্‌ আর তর্‌ দ্বিবে ঝি যিগুনে ইধু আগন্‌ তারারে লোইনে নিগিলি যাহ্। সিয়েন্‌ ন-গুরিলে যে সাজা-এ শঅরান উগুরে লামি এজের্‌ তুয়ো সে ভিদিরে পুড়িনে ভস্ত ওই যেবে।

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

যিশাইয় 13:22

সিদুগোর্ ঘরানি ভিদিরে শিয়েল ডুগুরিবাক্ আর শিয়েলুনে দোল্ দোল্ ঘরানি ভিদিরে থেবাক্। বাবিলোর সময় এচ্চ্যে, তার দিনুন্ আর বাড়েই দিয়্যে ন-অবঅ।”

যিশাইয় 16:10

ফল বাগানানিত্তুন্ ফুত্তি আর হুজির ভাব্‌পান দূর্ গরা ওইয়্যে। আংগুর-খেদত্ আর কনজনে গান বা রঅ ন-ছাড়ে, আর আংগুর মাড়েদে জাগানত্ কনজনে মাড়িনে রস ন-নিগিলেন, কিত্তে সে রঅ ছাড়ানাগান বন্দ গুরি দিয়্যে ওইয়্যে।

যিশাইয় 17:14

সাজোন্যে অক্তত্ তারা অমকদ দোরেবাক্ আর বেন্যে পহ্‌‍‍‍র অবার্ আগেদি শেজ্ ওই যেবাক্। আমা লুদেয়্যেগুনোত্তে ইয়েন আঘে; ইয়েনই আমার লুদেয়্যেগুনোর ভাগ্য।

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিহিষ্কেল 12:28

সেনত্তে তুই তারারে কঅ, প্রভু লগেপ্রভু কোইয়্যেদে, ‘মর্ কনঅ কধা ফলিবাত্তে আর দেরি নেই; মুই যিয়েনি কোম্ সিয়েনি ফলিবো। মুই প্রভু লগেপ্রভু এ কধাগান কঙর্।’”

যিহিষ্কেল 30:3

এক্কো দর্‌‌গরেপারা দিন এজের্, কিত্যে দিন্নো কায়কুরে লুম্মেগি; সিবে মেঘে ঢাক্যে দিন আর জাদ্‌‌তুনোর শেজ্ সময়।

যিহিষ্কেল 7:12

সময় ওইয়্যে, দিন এই যেইয়্যে। যিগুনে ভূই কিনোন্ তারা ফুত্তি ন-গোত্তোক্ আর যিগুনে ভূই বেজন্ তারায়ো দুঘ্ ন-গোত্তোক্, কিত্যে তারার্ বেক্কুনো উগুরে রাগ্‌‌‌‌‌‌কান আজিল্ ওইয়্যে।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?