যিহিষ্কেল 7:4 - Chakma Bible

⁴ মুই তঅ ইন্দি মেয়্যেলি চোগে রিনি ন-চেম্ বা তরে রেহাইঅ ন-দিম্; তর্ চালচলন আর তঅ ভিদিরে জঘন্য কামানিত্তে মুই ঘেচ্চেকগুরি তরে সাজা দিম্। সেক্কে তুই হবর্ পেবেদে, মুয়ই লগেপ্রভু।’”

যিহিষ্কেল 7:4 ပူးပေါင်းရင်းမြစ်များ

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 23:31

তুই তর্ বোন্নোর্ পধেদি যেইয়োচ্; সেনত্তে সিয়েনর্ গলস্‌চো মুই তঅ আঢত্ তুলি দিম।

যিহিষ্কেল 23:49

তমার্ ভান্ন্যেই কামর্ ফল তমাত্তুন্ ভুগো পুরিবো আর মূত্তিপূজোর্ পাপর ফল ভুগো পুরিবো। সেক্কে তুমি হবর্ পেবা, মুয়ই প্রভু লগেপ্রভু।”

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 33:29

তারার্ বেক জঘন্য কামানির কারনে মুই যেক্কে দেজ্‌‌‌চান মানুচ্ নেইয়্যে পড়ি থেইয়্যে জাগা বানেম সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 6:7

আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।

যিহিষ্কেল 7:27

রাজা আবিলেচ্ গুরিবো, রাজপুরুষ্‌‌চো আমক্ অবঅ, আর দেজ মানুচ্চুনোর আঢ্‌‌তানি গির্‌‌গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”

যিহিষ্কেল 7:3

ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 7:9

মুই মেয়্যেলি চোগেদি তমা ইন্দি রিনি ন-চেম্ বা তমারে রেহাইঅ ন-দিম্; তমার চালচলনানি আর তমা ভিদিরে জঘন্য কামর্ পাওনাগানি মুই তমারে দিম্। সেক্কে তুমি হবর্ পেবা যে, মুই লগেপ্রভু আঘাত্ গরং।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

হোশেয় 12:2

যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

আমোষ 7:8

তে মরে কলঅ, “আমোষ, তুই কি দেগর্?” জোবত্ মুই কলুং, “এক্কান ওলনদুড়ি।” সেক্কে প্রভু কলঅ, “মঅ মানুচ্ ইস্রায়েলর মাধ্যমে মুই এক্কান ওলনদুড়ি থোইয়োং; মুই আর্ তারারে ছাড়ি ন-দিম।

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”