যিহিষ্কেল 7:27 - Chakma Bible

²⁷ রাজা আবিলেচ্ গুরিবো, রাজপুরুষ্‌‌চো আমক্ অবঅ, আর দেজ মানুচ্চুনোর আঢ্‌‌তানি গির্‌‌গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”

যিহিষ্কেল 7:27 ပူးပေါင်းရင်းမြစ်များ

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

ইয়োব 8:22

যিগুনে তরে ঘিনান্‌ তারা লাজেবাক্‌; শদানুনোর্‌ থেবার্‌ ঘর্‌ আর ন-থেবঅ।”

গীতসংহিতা 109:18

কাবড় উরেদে ধোক্ক্যেন গুরি অভিশাব্ দেনা তারার অভ্যেস্ ওইয়্যে; পানি খাইদ্যে ধোক্ক্যেন্ সিয়েন তারার অভ্যেস্ ওইয়্যে আর কিয়্যেত্ তেল গুলেদে ধোক্ক্যেন্।

গীতসংহিতা 109:19

সেই অভিশাব্‌পানে কাবড় ধোক্ক্যেন তারারে ঘিরি রাগোক্ আর কমর বিজোনি ধোক্ক্যেন আমিঝে বানি রাগোক্।

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিহিষ্কেল 14:23

তারার্ খাচ্চ্যত্ আর কামানি দেগিনে তুমি সান্তনা পেবা আর বুঝি পারিবা যে, এনেবাদে মুই কিচ্চু ন-গরং। মুই প্রভু লগেপ্রভু এ কধাগান কঙর্।”

যিহিষ্কেল 18:30

“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যিহিষ্কেল 26:16

সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

যিহিষ্কেল 7:3

ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।