যিহিষ্কেল 7:26 - Chakma Bible

²⁶ দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

যিহিষ্কেল 7:26 ပူးပေါင်းရင်းမြစ်များ

গীতসংহিতা 74:9

আমাত্যে কনঅ আমক্ অবার কাম গরা অর্ এবাবোত্যে দঅ আর মুই ন-দেগং; কনঅ ভাববাদিয়ো আর নেই; এবাবোত্যে যে আর কয়দিন্ চলিবো সিয়েন আমাত্তুন কনজনে হবর্ ন-পান্।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

যিহিষ্কেল 11:2

লগেপ্রভু মরে কলঅ, “ও মান্‌‌জ্যর পুয়োবো, ইগুন সেই মানুচ্ যিগুনে শঅর ভিদিরে কুজুরোমি গত্তন্ আর ভান্ন্যেই সল্লা দেদন্।

যিহিষ্কেল 12:22

“ও মানজ্যর্ পুয়োবো, ইস্রায়েল দেজত্ ইয়েন কিবাবোত্যে দাগ কধা রোইয়্যে, ‘দিনুন্ কাদি যায় আর পত্তি দর্শনই বিফল অয়’?

যিহিষ্কেল 14:1

পরে ইস্রায়েলর কয়েক্কো বুড়ো নেতা মইধু এইনে মঅ মুজুঙোত্ বজিলাক্।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মালাখি 2:9

তুমি মঅ পধেদি ন-চলঅ বরং রীদি-সুদোম পৌইদ্যেনে মানুচ্চুনো সমারে তুমি এক মোক্ক্যে ওইয়ো। সেনত্তে বেক্ মানুচ্চুনো মুজুঙোত্ মুই তমারে ঈচ্ গরে পারা আর অসর্মান অই পারা গুরিম।”

দ্বি’লম্বর বিররণ 32:23

“মুই বেক্‌ দযাগানি আনিনে তারা উগুরে এগত্তর গুরিম; মর্‌ বেক্‌ সেলুন মুই তারা উগুরেই শেজ্‌ গুরিম্‌।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ