যিহিষ্কেল 7:20 - Chakma Bible

²⁰ তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

যিহিষ্কেল 7:20 ပူးပေါင်းရင်းမြစ်များ

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

ইষ্রা 3:12

মাত্তর্ ভালোকজনে যেক্কেনে হুজিয়ে রঅ ছাড়ি উদিলাক্ সেক্কে যিগুনে আগ উবোসনা ঘরান্ দেখ্যন সেধোক্ক্যেন বোউত্ বুড়ো ধর্মগুরু, লেবীয় আর বংশর নেতা এই উবোসনা-ঘরর গড়াগান থিদেবর্ গত্তে দেগিনে রঅ ছাড়ি ছাড়ি কানা ধুরিলো।

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 50:2

সিয়োনত্তুন, দোল্ ভরপুনং জাগানত্তুন্, গোজেনর পহ্‌রান্ ছিদি পোজ্যে।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 64:11

আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

যিহিষ্কেল 11:18

“তারা সিদু ফিরি যেইনে বেক্ বাজে মূত্তি আর জঘন্য মূত্তিগুন দূর্ গুরি দিবাক্।

যিহিষ্কেল 16:16

তর্ কনঅ কনঅ কাবড়্‌লোই তুই পূজোর্ অজল্ জাগায়ান সাজেইনে সিয়েনত্ তর্ বেশ্যের্ কাম চালেয়োচ্। সেবাবোত্যে কাম গরানা তর্ কনদিন্‌অ উজিত্ ন-এলঅ।

যিহিষ্কেল 16:19

মুই তর্ হেবাত্তে তরে যে নিগুজ্ মোইদ্যে, জলপাই তেল আর মধু দুয়োং সিয়েনি তুই তারা মুজুঙোত্ তুম্বাজ্ ইজেবে থদে। মুই প্রভু লগেপ্রভু কঙর্, ইয়েনি বেক্কানি ঘোট্যে।

যিহিষ্কেল 23:38

ইয়েনি বাদেয়ো সেই একই সময়োত্ তারা মর্ ঘরান অসিজি গোজ্যন্। তারা মর্ জিরেবার দিনুনোর সুদ্ধো-সাংগগান রোক্ষ্যে ন-গরন্।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 7:22

ডাগেত্‌তুনে মর্ সুদ্ধো-সাংগ জাগানত্ সোমেইনে সিয়েন অসিজি গুরিবাক্, আর মুই তারা ইন্দিত্তুন্ মুয়োন ফিরেই নিম্।

যিহিষ্কেল 9:7

সে পরেদি গোজেনে তারারে কলঅ, “তুমি মোজ্যন্দে মানুচ্চুন্দোই উদোনান্ ভোরেই ফেলেইনে উবোসনা-ঘরান্ অসিজি গরঅ। যঅ, কাম গরঅ।” সেনত্তে তারা নিগিলিনে শঅরত্ যেইনে মানুচ্চুনোরে মারে ফেলা ধুরিলাক্।

হগয় 2:3

তমা ভিদিরে এমন কন্না আঘে যিবে এই ঘরানরে তার পুরোণি সয়-সাগোজ্যে অবস্থায় দেখ্যে? আর ইক্কিনে সিয়েন কেধোক্ক্যেন দেগর্? তমা ইধু কি মনে ন-অর্ যে, আগ তুলোনায় ইয়েন কিচ্ছু নয়?

বিচের গুরিয়্যেগুন 8:24

তে আর কলঅ, “মাত্তর্‌ মর্‌ এক্কান কোজোলী আঘে। তমার্‌ লুদেয়্যে ভাগত্তুন্‌ তুমি পত্তিজনে মরে এক্কানত্‌ ধরে কানফুল দুয়ো।” তে এ কধাগান কলঅ, কিত্যে মিদিয়নীয়গুনে অলাক্‌ ইশ্মায়েলর বংশর মানুচ্‌ আর সেক্কে দিনোত্‌ ইশ্মায়েলীয়গুনোর কানত্‌ সোনার কানফুল পিনিবার আওজ্ এলঅ।

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।