যিহিষ্কেল 7:19 - Chakma Bible

¹⁹ তারার্ রূবোনি তারা পধে পধে ফেলেই দিবাক্ আর তারার্ সোনানি অবঅ এক্কান অসিজি জিনিস। লগেপ্রভুর রাগ দিনোত্ তারার্ সোনা-রূবোনিয়ে তারারে রোক্ষ্যে গুরি ন-পারিবো। সিয়েনিলোই তারার্ পেট্‌পরা ন-মিটেব আর পেট্ ন-ভুরিবো। আজলে সিয়েনিয়ে তারারে পাপত্ ফেলেয়্যে।

যিহিষ্কেল 7:19 ပူးပေါင်းရင်းမြစ်များ

২ রাজাবলী 7:15

তারা যর্দন গাঙ সং তারারে তোগেলাক আর দেগিলাক্‌ অরামীয়গুনে যাদিমাদিগুরিনে ধেই যেবার্‌ সময়োত্‌ বেক্‌ পথ্‌তানিত্‌ তারার্‌ কাবড়-চুগোড়ানি আর বেক্‌ পযাপিরানি ফেলেই যেইয়োন্‌। যিগুনোরে পাদা ওইয়্যে তারা ফিরি যেইনে রাজারে বেক্‌ হবরানি জানেলাক্‌।

গম্ উপদেজ্ 10:2

অন্যেয়গুরি পেয়্যে ধন্দোই কনঅ লাভ ন-অয়, মাত্তর্ গোজেন উগুরে ভোক্তি থেলে মরনত্তুন্ উদ্ধোর গরে।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

উপদেশক 5:10

যে মানুচ্চো টেঙা-পোইজ্যে কোচ্‌পায় তার কনদিন্অ যগাজ্যে ওইয়্যে বিলিনে মনে ন-অয়। যে মানুচ্চো ধন-সোম্বোত্তি কোচ্‌পায় তে তার ইনকাম্বোই কনদিন্অ হুজি ন-অয়। ইয়েন্অ বাহ্‌জে।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

আবিলেচ্ 4:1

হায়! সোনাগানে কিবাবোত্যেগুরি তা জোল্‌জোল্যেগান আরেয়্যে, খাটি সোনা বুদুলি যেইয়্যে। পত্তি দফদা পদথ্ ছিদি রোইয়্যেদে মংগা মংগা পাত্তরুন্।

যিহিষ্কেল 13:5

তারা ইস্রায়েল জাদর্ দেবাল ফাদানি তালি দিবাত্তে সিদু ন-উদোন্ যেনে লগেপ্রভুর দিনোত্ যুদ্ধোর্ সময়োত্ সিয়েন দরমরগুরি থিয়্যেই থেই পারে।

যিহিষ্কেল 14:7

কনঅ ইস্রায়েলীয় বা ইস্রায়েল দেজত্ বজত্তি গুরিয়্যে কনঅ বিদেশী যুনি মত্তুন্ ফারগ্ ওই যান আর তা মনত্ মূত্তি থিদেবর্ গুরিনে পাপত্ পড়েদে ধোক্ক্যেন জিনিস তা মুজুঙোত্ রাগায় আর সে পরেদি মইধু পুযোর্ গুরিবাত্তে কনঅ ভাববাদী ইধু এজন্, সালে মুই লগেপ্রভু নিজেই তারে জোব্ দিম।

যিহিষ্কেল 30:3

এক্কো দর্‌‌গরেপারা দিন এজের্, কিত্যে দিন্নো কায়কুরে লুম্মেগি; সিবে মেঘে ঢাক্যে দিন আর জাদ্‌‌তুনোর শেজ্ সময়।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

রোমীয় 11:9

রাজা দায়ূদেয়ো কোইয়্যেদে, তারার্ হানার্ পরব্‌‌পুন্ ফাল্ আর জাল ধোক্ক্যেন্ ওক্‌, সিয়েনি যেন তারার্ উজোত্ হেবার্ কারন অয়, আর তারার্ যিয়েন পাওনা সিয়েন যেন তারা পান্।