যিহিষ্কেল 7:14 - Chakma Bible

¹⁴ মানুচ্চুনে তূরী বাজেইনে বেক্কানি যুক্কোল্ রাগেয়োন, মাত্তর্ কনজনে যুদ্ধোত্ ন-যাদন্, কিত্যে দেজর্ বেক মানুচ্চুনো উগুরে মঅ রাগ্‌‌‌‌‌‌‌কান আঘে।

যিহিষ্কেল 7:14 ပူးပေါင်းရင်းမြစ်များ

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 4:5

“তুমি যিহূদা দেজত্ আর যিরূশালেমত্ ফগদাং গুরিনে কঅ, ‘পুরো রেজ্যত্ শিঙা বাজঅ।’ জোরে রঅ ছাড়িনে কঅ, ‘তুমি এক সমারে এগত্তর্ অ। আঢঅ, আমি দেবাল ঘিজ্যে শঅরানিত্ যেই।’

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

আবিলেচ্ 2:3

অমকদ রাগে তে ইস্রায়েলর বেক্ খেমতাগান বর্‌বাত্ গুরি দিয়্যে। শত্রুগুনে উজেই এবাত্তে চেলেয়ো তার্ খেমতাবলা আঢ্‌তানি তে গুজেই থোইয়্যে। চেরোকিত্তে বেক্কানি পুড়ি যেইয়্যে আগুনো জিলো ধোক্ক্যেন্ তে যাকোব ভিদিরে জুলি উঠ্যে।

আবিলেচ্ 2:4

শত্রু ধোক্ক্যেন্‌গুরি তে তার্ ধনুগান টান্যে, তার্ খেমতাবলা আঢ্‌তানি ঠিগ্ গোজ্যে। যিগুনোরে দেগিনে তারা হুজি অদাক্ তারারে তে মারে ফেলেয়্যে। সিয়োন-ঝিবোর্ তাম্বুলো ভিদিরে তে আগুনো ধোক্ক্যেন্‌গুরি তা রাগ্‌কান ঢালি দিয়্যে।

গণাণা 10:9

নিজোর দেজত্ থাগদে যেক্কে তুমি কনঅ অত্যেচার্ গুরিয়্যে শত্রুর বিরুদ্ধে যুদ্ধো গুরিবাত্তে যেবা সেক্কে দ্বিবে বাঁশি বাজেইনে সার্‌ দিবে। তমা গোজেন লগেপ্রভু সেক্কে তমা কধানি চিন্তে গুরিনে শত্রুগুনোর আঢত্তুন্‌ তমারে উদ্ধোর্‌ গুরিবো।