যিহিষ্কেল 6:6 - Chakma Bible

⁶ তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

যিহিষ্কেল 6:6 ပူးပေါင်းရင်းမြစ်များ

১ রাজাবলী 14:23

ইয়েন্‌বাদে তারা নিজোত্তে পত্তি অজল্‌ মুড়োগুনোর্‌ উগুরে আর পত্তি ঢেলাবলা য়েল্‌ গাজ তলে পূজোর্‌ অজল্‌ জাগায়ান্‌ ঠিগ গোজ্যন্‌ আর পবিত্র পাত্তর্‌ আর আশেরা-খুদোগুন্‌ থিদেবর গোজ্যন্‌।

গীতসংহিতা 115:8

যে ইগুনোরে বানায় আর তারা উগুরে বিশ্বেজ্ আর ভর্ গরে তারায়ো সেধোক্ক্যেন মূত্তি ধোক্ক্যেন অবাক্।

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিশাইয় 2:18

আর মুত্তিগুন্ এক্কুবারে ভস্ত ওই যেবাক্।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিশাইয় 64:10

তর্ সুদ্ধো-সাংগ শঅরানি ধূল্যেচর চাগালা ওই যেইয়্যে; এমন্ কি, সিয়োনর্‌‌অ সেই অবস্থা ওইয়্যে, অয়, যিরূশালেম মানুচ্ নেইয়্যে ওইয়্যে।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 17:3

ও যিহূদা, তঅ পাপত্তে দেজ ভিদিরে মর্ মুড়োমুড়ি আর তর্ ধন আর তর্ ভান্ডালর পযাপিরানি আর সারা দেজত্ তর্ পুজোর্ অজল জাগায়ানি মুই লুদেয়্যে ইজেবে দি দিম।

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 51:18

তারা অগুণোর্, ঈচ্ গুরিবার জিনিস্; বিচেরর্ সময় আজলে সিগুন ভস্ত ওই যেবাক্।

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

যিরমিয় 9:19

সিয়োনত্তুন এ আবিলেচর্ কধাগান শুনো যার্, “আমি কেধোক্ক্যেন গুরি ভস্ত ওই গেলং! কেধোক্ক্যেন গুরি এত্তমান লাজত্ পড়িলোং! আমা ঘরানি ভস্ত ওই যেইয়্যে, সেনত্তে আমাত্তুন দেজ্ ছাড়িনে যাহ্ পুরিবো।”

যিহিষ্কেল 12:19

তুই দেজ মানুচ্চুনোরে কঅ, ইস্রায়েল দেজর্ যিরূশালেম আদাম্মেগুনো পৌইদ্যেনে প্রভু লগেপ্রভু কোইয়্যেদে, ‘তারা দোরে দোরে তারার্ হানাগানি হেবাক্ আর হতভম্ব ওইনে পানি হেবাক্, কিত্যে সিদুগোর্ আদাম্মেগুনোর অত্যেচারর্ কারনে তারার্ দেজ্‌চান খালি ওইনে পড়ি থেবঅ।

যিহিষ্কেল 16:39

সে পরেদি মুই তরে তর্ লাঙুনো আঢত্ তুলি দিম; তারা তর্ মূত্তির আসনানি ভস্ত গুরি দিবাক্। তারা তর্ কাবড়-চুগোড়ানি খুলি ফেলেবাক্ আর তর্ দোল্ গয়নানি নেযেবাক্ আর তরে এক্কুবারে লাংটা-বাংটা গুরি থোই যেবাক্।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

যিহিষ্কেল 35:4

তর্ শঅরানি মুই ভস্তর্ জাগা বানেম আর তুই মানুচ্ নেইয়্যে অবে। সেক্কে তুই হবর্ পেবে, মুয়ই লগেপ্রভু।

যিহিষ্কেল 5:14

“ও যিরূশালেম, তঅ চেরোকিত্তে জাদ্‌‌‌তুনো ভিদিরেত্তুন্ যিগুনে তঅ কায়-কুরেদি যান্ মুই তারার্ চোগো মুজুঙোত্ তরে এক্কান ভস্তর্ জাগা আর ঠাট্টা-মশকারির্ মানুচ্ বানেম্।

যিহিষ্কেল 6:4

তমা ডালিপূজো বেক্কুন ভস্ত গরা অবঅ আর তমা আগর্‌বাট্টি ডালিপূজোগুন ভাঙি ফেলা অবঅ। তমা মূত্তিগুন মুজুঙোত্ তমা মানুচ্চুনোরে মুই মারে ফেলেম।

যিহিষ্কেল 6:7

আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

মীখা 5:13

তত্তুন্ মুই খুন্যে মূত্তিগুন আর তর্ পূজোর্ বেক খুদোগুন বর্‌বাদ গুরি ফেলেম; তর্ আঢে বানেয়্যে জিনিসচ্চোরে তুই আর পূজো ন-গুরিবে।

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

১ শমূয়েল 5:4

সে পরেন্দি দিন্নোত্‌অ তারা বেন্যেপোত্যে উদিনে দেগিলাক দাগোনে লগেপ্রভুর সুন্দুগোর মুজুঙোত্‌ মাদিত্‌ উবোত্‌ পুন্দুরী ওই পড়ি আঘে। তার্ মাদাবো আর আত্তানি ভাঙিনে দোরােন চৌকাত্তুনো উগুরে পড়ি আঘে, বানা কিয়্যেগানর বাগী কট্টাগান পড়ি আঘে।