যিহিষ্কেল 6:5 - Chakma Bible

⁵ মুই ইস্রায়েলীয়গুনোর মরাকিয়্যেনি তারার্ মূত্তিগুনো মুজুঙোত্ রাগেম আর তমা পূজোগুনোর্ চেরোকিত্তে তমা আড়ুন ছিদি দিম।

যিহিষ্কেল 6:5 ပူးပေါင်းရင်းမြစ်များ

২ রাজাবলী 23:14

যোশিয় পূজোর্ পাত্তরুন্‌ ভাঙি ফেলেল আর আশেরা-খুদোগুন্‌অ কাবি ফেলেল আর সে জাগায়ানি মান্‌জ্য আড়গোড়ালোই ঢাগি দিলো।

২ রাজাবলী 23:16

সে পরেন্দি তে চেরোকিত্তে চেলঅ আর মুড়োবো ইদু যেদুক্কুন গোর্ এলাক সিয়োত্তুন্‌ আড়গোড়া আনিনে সিগুন্‌ ডালিপূজোবো উগুরে পুড়িনে সিগুনোরে অসিজি গুরিলো। গোজেন মানুচ্চো যেদক্কানি ঘটনার কধা আগেন্দি ফগদাঙ্‌ গোজ্যে লগেপ্রভুর সে কধা মজিম এদক্কানি ওইয়্যে।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

যিরমিয় 7:32

সেনত্তে চঅ, এমন দিন এজের্ যেক্কে মানুচ্চুনে সে জাগায়ানরে আর তোফৎ বা বিন-হিন্নোমর কলগ্ ন-কবাক্, বরং কবাক্ কাবি ফেলেবার কলগ্, কিত্তে যেদকদিন তোফদত্ জাগা থেবঅ সেদকদিন সিয়েনত্ তারা মরাগুনোরে কবর্ দিবাক্।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।