যিহিষ্কেল 6:12 - Chakma Bible

¹² যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

যিহিষ্কেল 6:12 ပူးပေါင်းရင်းမြစ်များ

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 42:22

সেনত্তে ইক্কিনে তুমি হবর্ রাগ, তুমি যে জাগানত্ যেইনে বজত্তি গুরিবাত্তে চঅ সিয়েনত্ তুমি যুদ্ধো,ভাদরাত্ আর ভানালোই মারা পড়িবা।”

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

আবিলেচ্ 4:22

ও সিয়োন-ঝিবো, তঅ সাজাগান শেজ্ অবঅ; তে তরে আর্ বন্দীদজাত্ ফেলেই ন-রাগেব; মাত্তর্ ও ইদোম্-ঝিবো, তে তর্ অন্যেয়র সাজা দিবো আর তঅ পাপ্‌পানি ফগদাং গুরিবো।

যিহিষ্কেল 33:27

তুই তারারে কঅ, মুই প্রভু লগেপ্রভু মঅ জিংকানির্ নাঙে কঙর্, যিগুনে সেই ভস্তর্ জাগাত্ আগন তারা যুদ্ধোত্ মুরি যেবাক্, যিগুনে মাদত্ আগন তারারে হেবাত্তে মুই ঝার্‌‌বো য়েমানুনো ইধু তারারে দিম আর যিগুনে তাম্বুলোত্ আহ্ গাদত্ আগন তারা ভানালোই মুরিবাক্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 7:12

সময় ওইয়্যে, দিন এই যেইয়্যে। যিগুনে ভূই কিনোন্ তারা ফুত্তি ন-গোত্তোক্ আর যিগুনে ভূই বেজন্ তারায়ো দুঘ্ ন-গোত্তোক্, কিত্যে তারার্ বেক্কুনো উগুরে রাগ্‌‌‌‌‌‌কান আজিল্ ওইয়্যে।

যিহিষ্কেল 7:15

শঅর বারেদি রোইয়্যেদে যুদ্ধো আর ভিদিরে রোইয়্যেদে ভানা আর ভাদরাত্; যিগুনে বারেদি থেবাক্ তারা যুদ্ধোত্ মুরি যেবাক্, আর যিগুনে শঅরত্ থেবাক্ ভাদরাদে আর ভানাই তারারে গজক্ গুরিবো।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।