যিহিষ্কেল 5:8 - Chakma Bible

⁸ সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

যিহিষ্কেল 5:8 ပူးပေါင်းရင်းမြစ်များ

যিরমিয় 21:13

ও যিরূশালেম, যুনিয়ো তুই কলগ উগুরে পাত্তর সংজাগাত্ আগচ্ তো মুই তঅ বিরুদ্ধে। তুই কোই থাচ্, তমা বিরুদ্ধে কনজনে এই ন-পারিবাক্, কনজনে তমা আশ্রয়ে সোমেই ন-পারিবাক্;

যিরমিয় 21:5

মর্ খেমতাবলা আঢ্‌তান বাবেই দিইনে মুই অহুজি ওইনে, রাগে অমকদ উবোল্‌পাল্ ওইনে নিজেই তঅ বিরুদ্ধে যুদ্ধো গুরিম।‌

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

আবিলেচ্ 2:5

লগেপ্রভু শত্রু ধোক্ক্যেন ওইয়্যে; তে ইস্রায়েলরে গজক্ গোজ্যে। তে গজক্ গোজ্যে তার বেক্ দাঙর্ দাঙর্ ঘরানি আর ভস্ত গুরি দিয়্যে তার বেক্ তাম্বুলানি। তে যিহূদা-ঝিবোর্ মনত্ দুঘ্ আর আবিলেচ্ গরানা বাড়েই দিয়্যে।

আবিলেচ্ 3:3

ঘেচ্চেকগুরি গদাদিন্নো তে মঅ বিরুদ্ধে বার্ বার্ তা আঢ্‌‌‌তানি তুল্যে।

যিহিষ্কেল 11:9

মুই শঅরত্তুন্ তমারে লোড়েইনে নিগিলে দিইনে বিদেশীগুনো আঢত্ তুলি দিম আর তমারে সাজা দিম্।

যিহিষ্কেল 13:8

মুই প্রভু লগেপ্রভু কঙর্, তারার্ মিজে কধানি আর মিজে দর্শনানিত্তে মুই তারা বিরুদ্ধে।

যিহিষ্কেল 15:7

মুই তারা বিরুদ্ধে যেম্। আগুনোত্তুন্ তারা নিগিলি এলেয়ো আগুনানে তারারে পুড়ি ফেলেব। মুই যেক্কে তারা বিরুদ্ধে যেম্ সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

যিহিষ্কেল 28:22

প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 30:19

এবাবোত্যেগুরি মুই মিসররে সাজা দিম, আর সেক্কেনে তারা হবর্ পেবাক্, মুয়ই লগেপ্রভু।’ ”

যিহিষ্কেল 34:10

মুই প্রভু লগেপ্রভু কঙর্, মুই গরগ্‌‌কুনোর বিপক্ষে; মুই তারার্ আঢত্তুন্ মর্ ভেড়াগুনোরে আদায় গুরি নেযেম। মর্ পাল চরানার্ কামত্তুন্ মুই তারারে সোরেই দিম যেনে তারা আর নিজে লাভবান ওই ন-পারন্। তারা মুয়োত্তুন্ মুই মঅ পালুন্ রোক্ষ্যে গুরিম আর ভেড়াগুন আর্ তারার হানা ন-অবাক্।

যিহিষ্কেল 35:3

প্রভু লগেপ্রভু কোইয়্যেদে, ও সেয়ীর মুড়োবো, মুই তর্ বিপক্ষে; মুই তঅ বিরুদ্ধে মঅ আঢ্‌তানি বাবেইনে তরে এক্কান মানুচ্ নেইয়্যে উগুজ্যে ভূইয়ো ধোক্ক্যেন বানেই রাগেম।

যিহিষ্কেল 39:1

ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।