যিহিষ্কেল 5:6 - Chakma Bible

⁶ মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

যিহিষ্কেল 5:6 ပူးပေါင်းရင်းမြစ်များ

২ রাজাবলী 21:11

“যিহূদার রাজা মনঃশি এ জঘন্য পাপ্পানি গোজ্যে। তা আগেন্দি যে ইমোরীয়োগুনে এলাক্‌ তারাত্তুন্‌অ বেশ্‌ তে আরঅ বজং কাম্‌ গোজ্যে আর নিজো মূত্তিগুন্দোই যিহূদারে পাপত্ ফেলেয়্যে।

২ রাজাবলী 21:9

মাত্তর্‌ মানুচ্চুনে সে কধাগান ন-শুনিলাক্‌। মনঃশি তারারে বজং পধেন্দি নেযেল; সেনত্তে যিদুক্কুন্‌ জাদরে লগেপ্রভু ইস্রায়েলীয়গুনো মুজুঙোত্তুন্‌ ভস্ত গুরি দিলো তারাত্তুন্‌অ বেশ্‌ তারা আরঅ বজং কাম্‌ গরা ধুরিলাক্‌।

নহিমিয় 9:34

আমা রাজাগুনে, নেতাগুনে, ধর্মগুরুগুনে আর আমা পূরোণিমানুচ্চুনে তর্‌ রীদি-সুদোমানি মানি ন-চলন্‌; তর্‌ উগুম্‌ বা উজিয়ার্‌ কধা তারা ন-শুনোন্‌।

নহিমিয় 9:35

তারার্‌ রাজাগিরির্‌ সময়োত্‌ তারা তর্‌ দিয়্যে দাঙর্‌ আর বোল্‌বোল্যে দেজত্‌ বোউত্‌ মংগল ভোগ গোজ্যন্‌, তো তারা তর্‌ সেবা ন-গরন্‌ বা তারার্‌ ভান্ন্যেই পধত্তুন্‌ ন-ফিরোন্‌।

গীতসংহিতা 106:20

তারার্ বাঈনীবলা গোজেনরে ফেলেইনে তারা ঘাস হেইয়্যে গোরুর মূত্তিবোরে মানি নেযেলাক্।

গীতসংহিতা 78:10

তারা গোজেনর সুদোমানি ন-পালান্, তার সুদোম মজিম আদিবাত্যে তারা অস্বিগের্ গোজ্যন্।

যাত্রা 16:28

সেক্কে লগেপ্রভু মোশিরে কলঅ‌, “আর কয়দিন তুমি মর্‌ উগুম্‌ আর হুকুম্‌ ন-মানিনেই চুলিবা?

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

যিরমিয় 9:6

তুই ছলনার সংমোধ্যে বজত্তি গরর্। তঅ মানুচ্চুনে ছল্ ধোজ্জ্যন্; তারা মইধু নিজোরে গোজেই ন-দুয়োন।”

যিহিষ্কেল 11:12

সেক্কে তুমি হবর্ পেবা যে, মুয়ই লগেপ্রভু। তুমি মর্ সুদোম্ মজিম্ ন-চলঅ বা মর্ রীদি-সুদোমানিয়ো ন-পালঅ বরং তমা চেরোকিত্তে জাদ্‌তুনো সুদোম্ মজিম্ চোল্য।’”

যিহিষ্কেল 16:51

তুই যেদক্কানি পাপ গোজ্যস্ তার্ অদ্দেক্‌অ শমরিয়া ন-গরে। তুই তারাত্তুন বেশ্ আরঅ জঘন্য জঘন্য কাম গোজ্যস্। তুই ইয়েনি যেদক্কানি কাম গোজ্যস্ সিয়েনি দেগিনে তর্ বোনুনোরে বরং ধার্মিক মনে ওইয়্যে।

দানিয়েল 9:15

ইক্কিনে ও আমার প্রভু গোজেন, তুই খেমতাবলা আঢ্‌‌‌‌তোই তঅ মানুচ্চুনোরে মিসরত্তুন্ নিগিলেই আনিনে সুনাঙ্ পেইয়োচ্, আর সিয়েন এইচ্চ্যে সং আঘে। আমি পাপ গোজ্যেই, ভান্ন্যেই কাম গোজ্যেই।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:8

ও লগেপ্রভু, আমা রাজাগুন, নেতাগুন, পুরোণি মানুচ্চুন আর আমি অগমানে পৌল্যেই আঘিই, কিত্যে আমি তঅ বিরুদ্ধে পাপ গোজ্যেই।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।