যিহিষ্কেল 5:17 - Chakma Bible

¹⁷ তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

যিহিষ্কেল 5:17 ပူးပေါင်းရင်းမြစ်များ

২ রাজাবলী 17:25

সিদু বজত্তি গুরিবার্‌ পোল্যেন্দি তারা লগেপ্রভুর উবোসনা ন-গুরিদাক্‌, সেনত্তে তে তারা ভিদিরে সিংহ পাধেই দিলো। সিগুনে তারাত্তুন কয়েক্কো মান্‌জ্যরে মারে ফেলেল।

যাত্রা 23:29

মাত্তর্‌ মুই যে তারারে এক বজর ভিদিরে বেক্কুনোরে ধাবেই দিম্‌ সিয়েন নয়, কিত্তে সিয়েন গুরিলে দেজ্‌চান্‌ খাল্যে পড়ি থেবঅ‌ আর ঝাড়্‌বো-জানোয়ারর্‌ সোংখ্যে তমার পক্ষে অমহদ বেশ্‌ ওই যেবাক্।

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিহিষ্কেল 14:19

আরঅ ধর, মুই সেই দেজ ভিদিরে ভানা পাধেলুং আর সিয়েনর মানুচ্ আহ্ এ্যামানুনোরে মারে ফেলানার মাধ্যমে মঅ রাগকান্ সিয়েন উগুরে ঢালি দিলুং।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 17:21

তার সেরা সৈন্যগুনে যুদ্ধোত্ মুরি যেবাক্ আর বাদবাগি সৈন্যগুনে চেরোকিত্তে ছিদি পড়িবাক্। সেক্কে তুমি হবর্ পেবা যে, মুই লগেপ্রভু এ কধাগান কোইয়োং।’”

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

যিহিষ্কেল 21:32

তুমি আগুনোত্তে ধার্‌‌‌‌‌‌‌বো ধোক্ক্যেন অবা। তমা লোনি তমা দেজ ভিদিরে পুরিবো আর তমারে ভুলি যাহ্ অবঅ। মুই লগেপ্রভু এ কধাগান কঙর্।’”

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

যিহিষ্কেল 23:47

সেই মানুচ্চুনে তারারে শিল্লোই ঢলা মারিনে মারে ফেলেবাক্ আর তলোয়ারলোই তারারে কট্টা কট্টা গুরিনে কাবিবাক্। তারা তারার্ ঝি-পুয়োগুনোরে মারে ফেলেবাক্ আর তারার্ ঘরানি পুড়ি দিবাক্।

যিহিষ্কেল 26:14

মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

যিহিষ্কেল 28:23

তঅ উগুরে মুই ভানা পাদেম্ আর তর্ পধে পধে লো ঝুরিবো। তরে চেরোকিত্তেত্তুন্ আক্রমণ গরা অবঅ আর সেক্কে মান্‌‌‌‌‌‌‌‌‌‌জ্যে খুন ওইনে তইধু পুড়ি থেবাক্। সেক্কেনে তঅ মানুচ্চুনে হবর্ পেবাক্, মুয়ই লগেপ্রভু।’”

যিহিষ্কেল 30:12

মুই নীল্ গাঙানর্ পানিগান শুগেই ফেলেম আর পাজি মানুচ্চুনো ইধু দেজ্‌‌‌‌চান বিজি দিম; বিদেশীগুনো আঢ্‌‌‌‌তোই দেজ্ আর সিয়েন ভিদিরে বেক্কানি মুই ভস্ত গুরি দিম। মুই লগেপ্রভু এ কধাগান কঙর্।

যিহিষ্কেল 33:27

তুই তারারে কঅ, মুই প্রভু লগেপ্রভু মঅ জিংকানির্ নাঙে কঙর্, যিগুনে সেই ভস্তর্ জাগাত্ আগন তারা যুদ্ধোত্ মুরি যেবাক্, যিগুনে মাদত্ আগন তারারে হেবাত্তে মুই ঝার্‌‌বো য়েমানুনো ইধু তারারে দিম আর যিগুনে তাম্বুলোত্ আহ্ গাদত্ আগন তারা ভানালোই মুরিবাক্।

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:16

তরে ভস্ত গুরিবাত্তে মুই তঅ উগুরে মর্ ভাদরাদর্ দর্‌‌‌গরেপারা সেল্‌‌‌লো মারিম। মুই তঅ উগুরে সেই ভাদরাদ্ আরঅ বাড়েই দিম্ আর তর্ হানার যুগেই দেনাগান বন্ধ গুরি দিম্।

যিহিষ্কেল 6:1

লগেপ্রভুর এ কধাগান মইধু ফগদাং অলঅ, ও মান্‌‌‌‌‌জ্যর পুয়োবো, তুই ইস্রায়েলর মুড়ো-মুড়িগুন ইন্দি মুয়ো‌‌‌‌‌ন ফিরেইনে কঅ, প্রভু লগেপ্রভু তারা বিরুদ্ধে এ আগাম্ কধানি কোইয়্যেদে, ও ইস্রায়েলর মুড়ো-মুড়িগুন, মঅ কধানি শুনো। মুই প্রভু লগেপ্রভু মুড়ো-মুড়িগুনোরে আর গাদ্ আহ্ কলগ্‌‌‌‌‌‌কানিরে কঙর্, মুই তমা বিরুদ্ধে যুদ্ধোর্ মাধ্যমে তমা পূজোর্ অজল্ জাগায়ানি ভস্ত গুরি দিম্।

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

ফগদাং পেইয়্যে 6:8

সেক্কে মুই এক্কো য়্যেল্ রঙর্ ঘোড়া দেগিলুং। যিবে সেই ঘোড়াবো উগুরে বৈ এলঅ তা নাঙান্ মরণ; আর মরণর্ জাগায়ান ঠিগ্ তা পিজে পিজে আদের্। পিত্‌থিমীর চের্ ভাগর এক ভাগ উগুরে তারারে খেমতা দিয়্যে অলঅ, যেন তারা ছুরি, ভাদরাদ্, মরণ আর পিত্‌থিমীর ঝার্‌বো য়েমান্দোই মানুচ্চুনোরে মারে ফেলান।