যিহিষ্কেল 5:16 - Chakma Bible

¹⁶ তরে ভস্ত গুরিবাত্তে মুই তঅ উগুরে মর্ ভাদরাদর্ দর্‌‌‌গরেপারা সেল্‌‌‌লো মারিম। মুই তঅ উগুরে সেই ভাদরাদ্ আরঅ বাড়েই দিম্ আর তর্ হানার যুগেই দেনাগান বন্ধ গুরি দিম্।

যিহিষ্কেল 5:16 ပူးပေါင်းရင်းမြစ်များ

২ রাজাবলী 6:25

সেক্কে শঅরত্‌ অমকদ ভাদরাত্‌ দেগা দিলো। এ ঘিরেনাগান্‌ এদকদিন ধুরি চলিলোদে, এক্কো গাধার মাধা পেরায় এক কেজি রূবোলোই আর এক পাবা কোদোরোর্‌ ঘু সাত গ্রাম রূবোলোই বেজা যেদঅ।

গীতসংহিতা 7:13

তে তার্ মরণ-আত্যেরান্ ঠিগ্ গুরি রাগেয়্যে, আর তা চিম্‌‌‌চিম্যে সেল্‌‌লো বানেই রাগেয়্যে।

যিশাইয় 3:1

ইক্কিনে চঅ, যেদক্কানি জিনিস আর মানুচ্চুনো উগুরে বিশ্বেজ্ গরন্ সেই বেক যিরূশালেমান্ আর যিহূদাত্তুন্ বেগত্তুন্ খেমতাবলা প্রভু লগেপ্রভু দূর্ গুরি দিবাত্তে যার্। তে তারার্ বেক হানাগানি আর পানিগান দূর্ গুরি দিবো।

যিরমিয় 52:6

চের্ মাজত্ নয় দিনোত্ শঅরত্ ভাদরাদর্ অবস্থা এদক্ বেশ্ অলঅ যে, মানুচ্চুনোর্ হেবাত্তে কিচ্চু ন-এলঅ।

আবিলেচ্ 3:12

তা ধনুগানরে টানিনে তে মরে তা সেল্লো তাক্ গোজ্যে।

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 4:16

সে পরেদি তে মরে কলঅ, ও মান্‌‌‌‌‌‌জ্যর পুয়োবো, মুই যিরূশালেমর হানার্ যুগেই দেনাগান বন্ধ গুরি দিম। মানুচ্চুনে ভান্ন্যেই চিন্তেলোই মাবিনে হানা হেবাক্ আর হতাশালোই মাবিনে পানি হেবাক্,

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।