যিহিষ্কেল 5:15 - Chakma Bible

¹⁵ মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:15 ပူးပေါင်းရင်းမြစ်များ

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

২ বংশধর 29:8

সেনত্তে যিহূদা আর যিরূশালেম উগুরে লগেপ্রভুর রাগ্‌কান লামি এলঅ। তুমি নিজো চোগেন্দি দেগর্‌, তে তারারে অমকদ দর্‌গরেপারা আর ঘিনাইদে ধোক্ক্যেন গুরি তুলিলো; তারারে দেগিনে মানুচ্চুনে আমক্‌ অদন্‌।

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিরমিয় 23:40

মুই তমা উগুরে উমরত্তে অগমান আর লাজত্ ফেলেম যিয়েন মান্‌‌জ্যে ভুলি ন-যেবাক্।”

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

আবিলেচ্ 2:15

যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

যিহিষ্কেল 11:9

মুই শঅরত্তুন্ তমারে লোড়েইনে নিগিলে দিইনে বিদেশীগুনো আঢত্ তুলি দিম আর তমারে সাজা দিম্।

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 16:57

সেক্কে তর্ পাজিগানি ফগদাং ন-পায়। ইক্কিনে অরামর্ ঝিগুন আর তার্ পাড়াল্যেগুন, পলেষ্টীয়গুনোর ঝিগুন, অত্তাৎ তঅ চেরোকিত্তেদি যিগুনে তরে ঈচ্ গরন তারা বেক্কুনে তরে ঠাট্টা-মশকারী গত্তন্।

যিহিষ্কেল 22:4

লো ঝোরেইনে তুই দুষি ওইয়োচ্ আর মূত্তি বানেইনে অসিজি ওইয়োচ্। তুই তর্ দিনুন্ কায়কুরে আন্ন্যচ্ আর তর্ শেজকাল আজিল্ ওইয়্যে। সেনত্তে জাদ্‌‌‌‌‌‌‌‌‌তুনো ইধু মুই তরে ঠাট্টা-ঈচ্ গরেদে ধোক্ক্যেন গুরিম আর বেক্ দেজ্‌‌‌‌‌‌‌‌‌চান ইধু আজি উদোন্ পারা গুরিম।

যিহিষ্কেল 23:32

“মুই প্রভু লগেপ্রভু কঙর্, তর্ বোন গলস্‌চোত্ তুই হেবে; গলস্‌চো দাঙর্ আর গভিন্। সিয়োত্ বেশ্ ধরে বিলিনে সিয়োত্তুন হেইনে তুই ঈচ্ গরা আর ঠাট্টা গরা হেইয়্যে মান্‌জ্য ধোক্ক্যেন অবে।‌

যিহিষ্কেল 25:17

মুই তারা উগুরে জদবদে হেনা সুজিবাত্তে মর্ রাগে তারারে সাজা দিম। মুই যেক্কে তারা উগুরে হেনা সুজিম সেক্কে তারা হবর্ পেবাক, মুয়ই লগেপ্রভু।’”

যিহিষ্কেল 30:19

এবাবোত্যেগুরি মুই মিসররে সাজা দিম, আর সেক্কেনে তারা হবর্ পেবাক্, মুয়ই লগেপ্রভু।’ ”

যিহিষ্কেল 5:16

তরে ভস্ত গুরিবাত্তে মুই তঅ উগুরে মর্ ভাদরাদর্ দর্‌‌‌গরেপারা সেল্‌‌‌লো মারিম। মুই তঅ উগুরে সেই ভাদরাদ্ আরঅ বাড়েই দিম্ আর তর্ হানার যুগেই দেনাগান বন্ধ গুরি দিম্।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

লেবীয় 26:32

মুই তমার দেজ্‌চান্‌ এমনগুরি ভস্ত অবস্থাত্‌ ফেলেই রাগেম যিয়েন দেগিনেই তমার শত্রু-আদাম্মেগুনেয়ো আমক্‌ ওই উদিবাক্।

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।

দ্বি’লম্বর বিররণ 28:46

এই অভিশাপ্পানি আমক্‌ অইদে চিহ্নো আর আমক্‌ কাম্‌ ইজেবে তমার আর তমার বংশধরুনো উগুরে জিংকানিবর্‌ থেবঅ।