যিহিষ্কেল 5:14 - Chakma Bible

¹⁴ “ও যিরূশালেম, তঅ চেরোকিত্তে জাদ্‌‌‌তুনো ভিদিরেত্তুন্ যিগুনে তঅ কায়-কুরেদি যান্ মুই তারার্ চোগো মুজুঙোত্ তরে এক্কান ভস্তর্ জাগা আর ঠাট্টা-মশকারির্ মানুচ্ বানেম্।

যিহিষ্কেল 5:14 ပူးပေါင်းရင်းမြစ်များ

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

যিরমিয় 19:8

মুই এ শঅরানরে ভস্ত গুরিম আর ঈচ্ গরেদে ধোক্ক্যেন গুরিম; যিগুনে সিয়েন ইন্দি যেবাক্ তারা বেক্কুনে তার বেক আঘাত্‌তানি দোরেবাক্ আর ঈচ্ গুরিবাক্।‌‌

যিরমিয় 23:40

মুই তমা উগুরে উমরত্তে অগমান আর লাজত্ ফেলেম যিয়েন মান্‌‌জ্যে ভুলি ন-যেবাক্।”

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

আবিলেচ্ 5:18

সিয়োন মুড়োবো মানুচ্ নেইয়্যে ওইনে পড়ি আঘে; শিয়েলুনে তা উগুরে ঘুরি বেড়ান্।

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 16:57

সেক্কে তর্ পাজিগানি ফগদাং ন-পায়। ইক্কিনে অরামর্ ঝিগুন আর তার্ পাড়াল্যেগুন, পলেষ্টীয়গুনোর ঝিগুন, অত্তাৎ তঅ চেরোকিত্তেদি যিগুনে তরে ঈচ্ গরন তারা বেক্কুনে তরে ঠাট্টা-মশকারী গত্তন্।

যিহিষ্কেল 22:4

লো ঝোরেইনে তুই দুষি ওইয়োচ্ আর মূত্তি বানেইনে অসিজি ওইয়োচ্। তুই তর্ দিনুন্ কায়কুরে আন্ন্যচ্ আর তর্ শেজকাল আজিল্ ওইয়্যে। সেনত্তে জাদ্‌‌‌‌‌‌‌‌‌তুনো ইধু মুই তরে ঠাট্টা-ঈচ্ গরেদে ধোক্ক্যেন গুরিম আর বেক্ দেজ্‌‌‌‌‌‌‌‌‌চান ইধু আজি উদোন্ পারা গুরিম।

যিহিষ্কেল 23:32

“মুই প্রভু লগেপ্রভু কঙর্, তর্ বোন গলস্‌চোত্ তুই হেবে; গলস্‌চো দাঙর্ আর গভিন্। সিয়োত্ বেশ্ ধরে বিলিনে সিয়োত্তুন হেইনে তুই ঈচ্ গরা আর ঠাট্টা গরা হেইয়্যে মান্‌জ্য ধোক্ক্যেন অবে।‌

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 36:34

মান্‌‌জ্যে যানা-এযানা গুরিবার অক্তত্ যে দেজ্‌‌চানরে ভস্ত ওই পড়ি থাগদে দেগিদাক্ সেই দেজত্ চাষ কাম চলিবো।

যিহিষ্কেল 6:6

তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।